Rusiyanın Xabarovsk şəhərində iki tələbə qız saxlanılıb. Onlar ev heyvanlarına işgəncələr verməkdə, onları xüsusi amansızlıqla öldürməkdə, sonra da vəhşiliklərinin fotolarını sosial şəbəkələrdə paylaşmaqda suçlanırlar.
Bu qızlar Vkontakte sosial şəbəkəsində "Alina Orlova" və "Kristina Konoplya" ad-soyadları ilə qeydiyyatdan keçiblər. Sakit Okean Dövlət Universitetində təhsil alan bu tələbə qızlar bıçaqla və çəkiclə ev heyvanlarını xüsusi amansızlıqla öldürüblər.
Fotoların əksəriyyəti şəhərdəki köhnə krematorinin yuxarı mərtəbəsində çəkilib.
Tələbə qızların vəhşiliyini "Dvaç" imicbordunun istifadəçiləri aşkarlayıblar.
Bəlli olub ki, Alina ilə Kristina heyvan sığınacaqlarından it və pişikləri "bəsləmək" adı ilə götürür, sonra da həmin heyvanları xüsusi amansızlıqla, işgəncələrdən sonra öldürürmüşlər.
Qızlar bəzi heyvanları "Baykal MR-53M" pnevmatik tapançasından atəş açaraq öldürüblər.
Alina Orlovanın atasının Xabarovskdakı "Terek" aerodromunda eskadrilya komandiri, polkovnik olduğu deyilir.
"Kristina Konoplya"nın gerçək ad və soyadı artıq müəyyənləşdirilib.
Anası əyyaşlığına görə valdideyn hüququndan mərhum edilmiş Kristinanın atasının kimliyi bilinmir. Qız nənəsinin evində yaşayır.
Alina Orlova Vkontakte-dəki profilində bütün bunları inkar edib: "Heç nədən xəbərim yoxdur. Kimsə məni ləkələməyə çalışır. Hüquq-mühafizə orqanlarına müraciət etmişəm".
_476565.jpg "İki cəllad tələbə qız tutuldu - FOTO +18")
