Sentyabrın 23-də bacısının ərinə qoşulub qaçan 14 yaşlı Cəlilabad sakini Gülbahar Məmmədova (ad şərtidir) atasının razılığı ilə ölkə.az-ın suallarını cavablandırıb.
Hüsahibəni təqdim edirik.
- Gülbahar, neçə gündür evinizdəsiniz?
- Evimizə getməmişəm, üç gündür əmimgildə qalıram.
- Bir yerdə oxudum, demisiniz ki, Ələmdarla (bacısının yoldaşı) getməyimə görə peşman deyiləm. Bu doğrudur?
- Bəli, belə bir söz demişəm.
- Yenə fikrinizdə qalırsınız?
- Bəli, bəli.
- Bəs niyə rayona qayıdıb polis şöbəsinə gəldiniz?
- Gördüm ki, hər şey bambaşqa olur, ona görə evimə qayıtmaq istədim.
- Yəni?
- Düşündüm ki, anamın, atamın qatili olaram da. Onların ürəyi partlayar, ölüb eləyərlər, bu, mənimçün çox pis olar.
- Ələmdarla münasibətləri bərpa etməyi düşünürsünüz, yoxsa bu məsələ bitdi?
- Xeyr, xeyr.
- Yəni bağlanmadı?
- Xeyr.
- Bacınızı - Ələmdarın həyat yoldaşını görmüsünüz?
- Görməmişəm.
- Bacınızdan üzrxahlıq edəcəksiniz?
- Hələ ki, başqa biriylə danışacaq durumda deyiləm. Çox əsəbi olmuşam.
- Ələmdar səni vururdu, döyürdü?
- Döymürdü.
- Nə vaxtdan bir-birinizi görmürsünüz?
- Üç gündür gəlmişəm, görməmişəm.
- Telefon əlaqəniz var?
- Telefon əlaqəm yoxdur.
- Ailəniz Ələmdarın həbsini istəyir. Siz də istərdiniz?
- İstəməzdim.
- Bağışlanılmasını və sizinlə ailə qurmasını istəyərsiniz?
- Bəli.
- Bacınızın taleyini düşünmürsünüz?
- Hələ ki heç nə düşünmürəm.
- Bacınızı düşünmürsüz?
- Düşünürəm. Məni də başa düşün də, gərginəm.
Qeyd edək ki, ailəsinin ehtimallarına görə, o, bacısının həyat yoldaşı Ələmdar Məmmədovla qaçmışdı.
