Bir sözlə desək Neftçala rayon səhiyyəsi batır, Baş həkim Telman Zahidov işinin öhdəsindən gələ bilmir.
Misal üçün ötən vaxtlarda Ruslan adlı Neftçala rayon sakini mətbuata Neftçala rayon doğum evinin həkimlərindən şikayətlənib.
Onun sözlərinə görə, sözügedən mərkəzdə çalışan həkimlərin adı həkim olsa da, daha çox baytara oxşayırlar. «Məsələn, Neftçala Doğum Evində çalışan, özünü həkim kimi təqdim edən, əslində isə baytardan heç fərqlənməyən Təranə Cəfərova, və digərləri ad çıxarıblar. Onların savadsızlığı üzündən xeyli uşaq tələf olub. Prosesin qarşısını almaq üçün zəruri tədbirlər görülmür».
Ruslan yazır ki, Neftçalanın baş həkimi Telman Zahidovun isə başı pul qazanmağa qarışıb. Onun sözlərinə görə. Zahidov ondan şikayət edənlərdən qətiyyən çəkinmir. Bu adam birmənalı və açıq şəkildə bildirir ki, onun kimsədən qorxusu yoxdur və şikayətçilər istədiklərəi yerə sözlərini deyə bilərlər».
Nia.az xəbər verir ki,Telman Zahidovun bu açıqlamalarında ciddi səhvə yol verdiyi məqamlar da var. Məsələn, baş həkim hər yerdə deputat Arif Rəhimzadənin onun arxasında dağ kimi dayandığını deyir. «Elə bu səbəbdən də hamıya məsləhət görür ki, boş yerə enerji xərcləyib, əziyyət çəkməsinlər».
Bu gün Azerbaycanda yarıtmaz fəaliyyəti ilə xəstələrin narazılıqlarına, yerli ictimaiyyətin isə ciddi narahatlığına səbəb olan tibb müəssisələrinin sırasında ilk yerlərdən birini Neftçala Rayon Mərkəzi Xəstəxanası tutur.Belə ki, məhz bu tibb müəssisəsində mütəmadi olaraq müşahidə olunan çeşidli korrupsiya halları, müxtəlif qanun pozuntuları barədə açıqlamalara aldığımız məlumatlarda daha çox rast gəlirik. Açıqlamalarda vurğulanır ki, xəstələr Neftçala Rayon Mərkəzi Xəstəxanasının baş həkimindən tutmuş, tibb bacılarına qədər hamıya pul ödəməli olurlar. Belə ki, pul verməyən xəstələr nə əməlli müayinədən keçə bilmirlər, nə də onlara doğru-dürüst müalicə təyin olunmur. Bundan başqa isə, məlumatlarda iddia olunur ki, bu tibb müəssisəsində xəstəlik kağızlarının (bülleten), 88 saylı forma və digər arayışların verilməsi artıq çoxdan əsil kommersiya fəaliyyətinə çevrilib.
Nia.az xəbər verir ki,Neftçala Rayon Mərkəzi Xəstəxanasının baş həkimi bu tibb müəssisəsinin kadrlar üzrə mufəttişi ilə əlbir olaraq, ştatdan əlavə şəxsləri poliklinikanın işçisi kimi rəsmiləşdirməklə adı olub, özü olmayan bu işçilərin əməkhaqlarını mənimsəyirlər. Belə ki, həmin şəxslərin hər birinin maaş cədvəlindəki adlarının qarşısına 100-150 manat pul yazaraq bu məvacibləri mənimsəyərək dövlətə külli miqdarda ziyan vururlar.
Görünür Telman Zahidov məhz bu maxinasiyalardan əldə etdiyi gəlirlər onun şəxsi büdcəsinin formalaşmasında daha önəmli yer tutur. Maraqlıdır ki,Neftçala Rayon Mərkəzi Xəstəxanasının dövlətin balansında olmasına rəğmən, burada çalışan tibbi personal müəssisənin dərman preparatları və digər tibbi ləvazimatlarla təmin olunmadığını və bütün bunları öz vəsaitləri hesabına aldıqlarını iddia edirlər. Daxil olan məlumatlarda vurğulanan məqamlardan biri də budur ki, Telman Zahidov rəhbərlik etdiyi xəstəxanada çalışan bütün həkimlərdən aylıq haqq yığır.
Nia.az-a daxil olan məlumata görə, adı olub özü olmuyan işçilərdən biri də Neftçala rayon icra başçısının ictimai siyasi və humanitar məsələlər üzrə müavini Gültəkin Sadıqovanın həyat yoldaşıdır.Rayonda gəzən söz sözbətlərə görə,Gültəkin Sadıqovanın həyat yoldaşını hətta Neftçala rayon yol polisləri saxlıyanda belə o bildirir ki, məni tanımırsız mən xanımın əriyəm.
