İmişlidə toyun səhəri günü canavar kimi ulayan gənclərdən yeni xəbər var
Gənclər bir gecənin içində normal haldan çıxaraq qeyri-adi davranışları ilə hamının nitqini qurutmuşdular. Amma artıq onlar da rahatlıqlarını tapıb, elə qohumları da.
İmişlidə yeni ailə quran cütlük öz hərəkətlərilə hər kəsi şoka salıb. Toyun səhəri günü həyətdəki ağaca çıxan təzə bəy və gəlin, canavar kimi ulamağa başlayıblar. Rayon sakinlərinin sözlərinə görə, onlar təkcə canavarı deyil, bir neçə heyvanı təqlid edirmişlər. Hətta vəziyyət o yerə çatıb ki, cavanlara bir kimsə yaxınlaşmağa belə cürət etmirmiş. Əmiuşaqları olan gənclərə az qala bütün qonşular tamaşaya gəlirmişlər. Belə vəziyyətdə isə ailələrin əl atmadığı yol qalmayıb.
Sonda gənclərin bu hərəkətlərinin səbəbi məlum olur. Sən demə, onlara mistik qüvvə təsir edirmiş. Məhz bunun nəticəsində də bəylə gəlin bir müddət özlərini qeyri-adi aparıblar. Yaxınlarının iddiasına görə, onlar ekstrasensdən yardım alıblar və hazırda vəziyyətləri normaldır.
