Bahalaşma dalğası siqaret və arağa da çatdı: “nə iç, nə çək...” - Səfalət

Sosial 19-01-2017, 17:41
Bahalaşma dalğası siqaret və arağa da çatdı: “nə iç, nə çək...” - Səfalət









Ölkədə bahalaşma dalğası tütün və spirtli içki məmulatlarına da çatdı

Topdansatış mərkəzlərdə siqaret və araq məhsullarının qiyməti qalxıb.

Bu malların əsasən xaricdən idxal olunması tariflərin dəyişməsinə səbəb olub. Yerli istehsal olan siqaret və spirtli içkilərin qiymətində isə cüzi bahalaşma qeydə alınıb.

Ölkədə əhalinin gündəlik tələbatı olmasa da, insanların əksəriyyətinin siqaret çəkdiyini söyləmək olar. Eyni zamanda spirtli içki də tələbat olan məmulatdır.

Benzinin bahalaşması, manatın tam devalvasiyası deməyə əsas yaradırdı ki, hər şeyin qiyməti artacaq. Artıq tütün məmulatların nağd pulla topdan satışı qadağan olunub.

Tütün məmulatlarının pərakəndə satışı ilə məşğul olanlar ildirib ki, mağazalara tütün məmulatlarının tədarükü dayandırılıb.

"Bu gün mağazamıza siqaret gəlməyib. Bizə bildiriblər ki, bu gündən siqareti ancaq plastik kartla almaq mümkündür. Topdan satışla məşğul olanlar siqareti plastik kartla və ya öncədən hesaba köçürmə yolu ilə sata biləcəklər.

Pərakəndə ticarətlə məşğul olanların 90%-nin nə kartı var, nə də hesabları. Bir sözlə, siqaretin pulu öncədən ödənildikdən sonra mağazalara siqaret göndəriləcək. Pul əvvəlcədən ödənməyəcəksə, siqaret də gəlməyəcək".

Tütün məmulatlarının nağdsız topdan satışı qiymət artımına yol aça bilər.

"Artıq dünəndən bizə siqaret satmırlar. Buna səbəb kimi də kartımız və hesabımızın olmaması göstərilir. Bizə bildirirlər ki, hansı siqaretdən nə qədər lazımdırsa, qabaqcadan pulunu ödəyin biz də gətirək.

Hazırda topdan satış mərkəzlərində siqaretin qiymətində artım yoxdur. Amma pərakəndə satışla məşğul olanlara nağd pulla satış qadağan olunduğundan tütün məmulatlarında qıtlıq müşahidə edilir.

Ona görə də bəzi mağazalar siqaretlərin qiymətini cüzi artırıb. Əvvəllər topdansatışla məşğul olanlar pərakəndə ticarət mərkəzlərinə sifariş olunan həcmdə siqaret gətirir, müəyyən müddətdən sonra gəlib malın pulunu götürürdülər.

Siqaretlərin nağdsız qaydada əvvəlcədən ödəniş edilməklə alınması üçün külli miqdarda pul lazımdır. Belə davam etsə, pərakəndə ticarətlə məşğul olanlar qiymətləri mütləq qaldıracaqlar", - deyə pərakəndə ticarətlə məşğul olanlar vurğulayıb.

Politika.Az xatırladır ki, ölkədə tütün bahalaşdıran deputat Rüfət Quliyevin sahibi olduğu fabrikdir. Rüfət Quliyevin rəhbəri olduğu “EUROPEAN TOBACCO Baku” fabrikinin yenə qiymət artımına yol verəcəyi gözlənilir.

Buradan belə görünür ki, əslində monopoliyaya qarşı qanunların qəbul edilərək onların reallaşmasına maneə olan məmurlardan biri də məhz Rüfət Quliyevin özüdür. Bildirildiyinə görə o nazirlərin, yüksək çinli məmurların istəyilə parlamentə düşməyi bacarıb.

Şirkət “British American Tobacco” və “İmperial Tobacco Group” kimi qlobal şirkətlərlə birgə “Viceroy” və “Prima De Luxe” siqaret brendlərini istehsal edir.
Oxunub: 715
OXŞAR MÖVZULAR
loading...
ÇOX OXUNANLAR
SOSİAL ŞƏBƏKƏ
TƏQVİM
«    Avqust 2020    »
BeÇaÇCaCŞB
 12
3456789
10111213141516
17181920212223
24252627282930
31 


ILK-10