TƏCİLİ: Azərbaycan Prezidentinin pakistanlı həmkarı ilə görüşündə söhbət nədən getdi?
1 259
Fevralın 28-də Pakistan İslam Respublikasının Prezidenti Məmnun Hüseynin adından İqtisadi Əməkdaşlıq Təşkilatının 13-cü Sammitində iştirak edən nümayəndə heyəti rəhbərlərinin şərəfinə şam yeməyi verilib. Publika.az Azərtac-a istinadən xəbər verir ki, Azərbaycan Respublikasının Prezidenti İlham Əliyev şam yeməyində iştirak edib. *** Azərbaycan Respublikasının Prezidenti İlham Əliyevin fevralın 28-də Pakistan İslam Respublikasının Prezidenti Məmnun Hüseynlə təkbətək görüşü olub. Azərbaycan Respublikasının Prezidenti İlham Əliyevlə Pakistan İslam Respublikasının Prezidenti Məmnun Hüseyn arasında səmimi görüş keçirildi. 2015-ci ildə Məmnun Hüseynin Azərbaycana səfəri məmnunluqla xatırlandı, Pakistan Prezidenti Azərbaycana bu səfərdən xoş təəssüratlarla ayrıdığını bildirildi. Ölkələrimiz arasında siyasi əlaqələrin yüksək səviyyədə olduğu qeyd edildi, Ermənistan-Azərbaycan, Dağlıq Qarabağ münaqişəsi və Kəşmir problemi ilə bağlı Azərbaycanla Pakistanın bir-birinin ədalətli mövqeyini dəstəkləməsində qətiyyətli mövqe göstərdikləri vurğulandı. Söhbət zamanı regional təhlükəsizlik və regional əməkdaşlıq məsələləri müzakirə olundu. Sonra görüş geniş tərkibdə davam etdirildi.