Mal əti 9 manat. Ətin qiymətinin 11 manatdan aşağı olmadığı bir vaxtda paytaxtda hələ də 9 manata dana ətinin satıldığı qəssabxana var. Söhbət Xətai rayonu, Kazımağa Kərimov küçəsində yerləşən bu qəssabxanadan gedir.
Qaynarxett.az xezerxeber.az-a istinadən bildirir ki, qəssabxananın sahibi Aqil Məmmədov bayramqabağı öz alıcılarına sürpriz edib.
Aqil Məmmədov adi hallarda da əti digər qəssablardan 1-2 manat aşağı qiymətə satdığını deyir.
Qəssab qiyməti bu qədər endirməsinə baxmayaraq ziyana getmədiyini də deyir. Alıcılar da burada qiymətlərin digərləri ilə hər zaman aşağı olduğunu təsdiqləyir.
Qəssab Aqil Məmmədovun bu addımı əslində satışla məşğul olan hər kəsə nümunədir. Bayramqabağı atılan bu addım təqdirəlayiq olmaqla yanaşı, həm də vicdanlıdır.
