backend

Oğuzun rəisi Ucara icra başçısı gedir - Sensasion məktub

Oğuzun rəisi Ucara icra başçısı gedir - Sensasion məktub











Keçmiş nəqliyyat naziri Ziya Məmmədov yerlərdə yüksək vəzifə tutan kadrlarını digər kadrları ilə əvəz etdirmək üçün aldadıcı taktikalardan istifadə edib. O, başqalarının əli ilə yuxarılarla dil tapmağa səy göstərir

Ulus.Az xəbər verir ki, bunu Oğuz rayonu, H.Əliyev küçəsi küçəsi ev 23 ünvanında yaşayan Quliyev Mehman Qasım oğlu yazıb.

Onun sözlərinə görə, hazırda Ucar, Quba və Goranboy rayonlarının icra başçıları keçmiş nazirin kadrlarıdır:

“Həmin rayonları əldən verməmək üçün bir kadrının digəri ilə əvəz olunması istiqamətində işlərə girişən Ziya Məmmədov ona yaxın olan Oğuz Rayon Polis Şöbəsinin rəisi Tahir Quliyevi Ucar Rayon İcra Hakimiyyəti başçısı vəzifəsinə gətirmək planını rellaşdırmaq istəyir.

Yuxarı dairələr Tahir Quliyevin Ziya Məmmədovun adamı olmasını bilmirlər. Ancaq Oğuzun polis rəisi Tahir Quliyev Ziya Məmmədovun ən sadiq kadrlarındandır.

Ailəvi dostuqlar indi də davam edir. Burada keçmiş nazirin məqsədi nəyin bahasına olur-olsun doğulduğu rayonu əldən verməməkdir”.

Ulus.Az xəbər verir ki, M.Quliyev Oğuzun rəisinin 6 il (2009-2015) Ucar Rayon Polis Şöbəsinin rəisi işlədiyini qeyd edib:

“Oradan Oğuzun polis rəisi vəzifəsinə təyin edilmişdir. Əslən Bərdədən olan Tahir Quliyevin həmin rayonda 2 böyük quşçuluq broyleri, on min baş mal-qoyun ferması, yüzlərlə hektar torpaq sahələri , yanacaqdoldurma məntəqəsi və sairə obyektləri var.

Qeyd edim ki, Azərbaycanda polis rəisliyindən icra başçısı vəzifələrinə təyinatları ilk dəfə Ziya Məmmədovun qohumları ediblər.

2004-cü il tarixdə Ərzuman Əliyev Göyçay RPŞ-nin rəisi vəzifəsindən Quba rayon icra başçısı, Yaşar Məmmədov isə 2009-cu il tarixdə Ağdaş RPŞ-nin rəisi vəzifəsindən Ucar rayon icra başçısı vəzifəsinə təyin edilmişdilər”.

Müəllifin bu iddiaları ilə bağlı bütün tərəflərin mövqeyini çap etməyə hazırıq.