backend

Bu jurnalistlərə mənzil veriləcək - Qaydalar və şərtlər açıqlandı

Bu jurnalistlərə mənzil veriləcək - Qaydalar və şərtlər açıqlandı

















Prezident yanında KİV-in İnkişafına Dövlət Dəstəyi Fondunun bu gün Beynəlxalq Mətbuat Mərkəzində keçirdiyi tədbirdə jurnalistlərə mənzillərin verilməsi qaydaları və şərtləri açıqlanıb

Modern.az Kütləvi informasiya vasitələrinin əməkdaşlarına mənzillərin verilməsi qaydaları və şərtlərini təqdim edir:

“Kütləvi informasiya vasitələrinin əməkdaşlarına mənzillərin verilməsi qaydaları və şərtləri”

(Komissiyanın 16 may 2017-ci il tarixli iclasında təsdiq olunub)

Ən azı son 3 ildə fasiləsiz fəaliyyət göstərən kütləvi informasiya vasitəsi (televiziya və radio yayımçıları, qəzet, jurnal, informasiya agentliyi, internet xəbər portalı və saytı) Komissiya tərəfindən müəyyənləşdirilmiş şərtlərə uyğun olaraq Bakı şəhərində fəaliyyət göstərən əməkdaşlarının namizədliyini irəli sürür.
Televiziya və radio yayımçıları 10, gündəlik qəzetlər və informasiya agentlikləri 6, həftəlik qəzetlər, jurnallar, xəbər portalları və saytları 3 namizəd müəyyənləşdirə bilərlər.

Namizədliyi verilən KİV əməkdaşı həmin redaksiyada ən azı fasiləsiz 3 il, KİV-lərdə isə ən azı fasiləsiz 10 il fəaliyyət göstərməlidir.