backend

TƏCİLİ: Azərbaycan kanalına hücum: rəhbərlik bəyanat yaydı

TƏCİLİ: Azərbaycan kanalına hücum: rəhbərlik bəyanat yaydı

Güney Azərbaycan Televiziyası tərəfindən yaradılan “GunAzTV1” Teleqram kanalı hakerlərin hücumuna məruz qalıb.

Axar.az xəbər verir ki, hakerlər “GunAzTV1” kanalını sıradan çıxararaq, eyni adla GünAz TV-nin əleyhinə paralel kanal yaradıblar.

Kanal rəhbərliyi məsələ ilə bağlı məlumat yayaraq, ictimaiyyəti məlumatlandırıb:

- Hakerlər əsas kanalda olan üzvlərdən təxminən 100-nü yaratdıqları paralel kanala köçürüblər. Onlar GünAz TV Teleqram kanalına üzv olmaq istəyənlər arasında qarışıqlıq və çətinlik yaratmağa çalışırlar.

- GünAz TV kollektivi elan edir ki, “GünAzTV1” kanalının bizimlə heç bir əlaqəsi yoxdur və yaranan problemdən dolayı “GunAzTV 2004” adında kanal yaratmalı olduq. Bu dəyişiklik sadəcə kanalın adına aiddir, onun məzmunu və fəaliyyətinə heç bir təsiri olmayacaq.

- “GunAzTV 2004” kanalının hazırda 4900-dən çox üzvü var. GünAz TV əleyhinə çalışan paralel kanalın üzvlərinin sayı hələ 100-ə çatmayıb.

- Sizdən bu barədə hər kəsə məlumat verməyinizi və əgər hələ də “GunAzTV1” kanalında üzvsünüzsə, oradan çıxaraq “GunAzTV 2004” kanalına qoşulmağınızı xahiş edirik.