Ukraynadan ayrıldığını elan edən Donetsk Xalq Respublikası bölgədə "Malorossia" (Kiçik Rusiya) adlı yeni bir ölkənin qurulduğunu açıqlayıb
Donetsk Xalq Respublikasının lideri Aleksandr Zaxarçenko bu ölkəni üç ildir davam edən Ukrayna böhranını həll etmək məqsədiylə qurduqlarını bildirib.
Ölkənin maliyyə naziri Aleksandr Timofeyev yeni ölkənin quruluşu ilə bağlı konstitusiya aktını oxuyub.
"Keçmiş Ukrayna nümayəndələri olaraq yeni ölkənin qurulduğunu elan edirik. Bu ölkənin adı Malorossiya olacaq, çünki Ukrayna adı artıq öz etibarını itirib. Donetsk şəhəri də Malorossiyanın paytaxtı olacaq", - deyə o, bildirib.
