Uzun müddətdir onurğa iflicindən əziyyət çəkən xalq artisti Könül Xasıyeva ilə bağlı xeyriyyə tədbiri keçirilib.
BiG.AZ xəbər verir ki, konsert “Loqos” psixologiya və nitq mərkəzinin binasında baş tutub. Tədbirdən əldə olunan gəlir sənətçinin müalicəsinə sərf olunacaq.
Xanəndəyə dəstək məqsədilə keçirilən tədbirdə sənət adamları iştirak edib.
Qeyd edək ki, onurğa iflicindən əziyyət çəkən K.Xasıyeva hazırda müalicə alır. Özü ilə yanaşı oğlu Kazımın da səhhətində problem var.
K.Xasıyevanın müalicəsini aparıcı Hacı Nuran Hüseynovun “Həyat” fondu qarşılayır.
