“Bu da tiranlara dərs olsun”.
Suriyada və İraqda insanların qanını axıdan İŞİD terrorçuları sosial şəbəkədə vəhşi əməllərini əks etdirən fotoşəkil və videolar paylaşmağa davam edirlər.
qaynarxett.az ANS PRESS-ə istinadən xəbər verir ki, qadın İŞİD-çinin sosial şəbəkədə paylaşımı bütün dünyanı dəhşətə gətirib.
İngiltərə vətəndaşı olduğu iddia edilən “Mujahidah Bint Usama” (Üsamə bin Ladinin mücahidə qızı) nikli qadın əlində tutduğu kəsilmiş başla şəklini paylaşıb.
Həkim paltarı geyinmiş qadının yanında 2 uşaq da var və onlar qorxu ilə kəsilmiş başa baxırlar. Profilində həkim olduğu qeyd edilmiş 21 yaşlı qadının şəklinin üstündə, “Xəyalımdakı məslək, terrorçu həkim olmaqdır” – yazılıb.
Özünü bin Ladinin qızı adlandıran qadın sentyabrın 11-də paylaşdığı tvitdə, “O vaxt 8 yaşım vardı. Amma hər şey dünən kimi yadımdadır. Bu da tiranlara dərs olsun” – yazıb.
