24saat.org saytına müraciət edən Şamaxı rayon sakini Cəbrayılov Ağamikayıl Oruc oğlu Sabirabad rayonundan Milli Məclisə mandat əldə etmiş Xəlilov Rüstəm barədə ciddi ittihamlar səsləndirib. O qeyd edib ki, deputat və qardaşı onun yaxın qohumlarına qarşı qərəzli olmaqla yanaşı, onları yaşadıqları kənddən sürcün etdirməyə çalışır.
Şikayətçi həmçinin bildirib ki, deputat Sabirabad rayon Nizami kənd bələdiyyəsinin qarşısında atasına heykəl qoydurub. Kənd sakinləri mühim günlərdə həmin heykəli ziyarət etməyə məcbur edilir. İddiaya görə, deputat atasına qoydurduğu heykəllə ŞƏHİDLƏR LÖVHƏSİNİN qarşısını kəsərək vətən uğrunda canından keçən oğullarımıza hörmətsizlik nümayiş etdirir.
24saat.org saytı bildirir ki, deputatın atası Xəlilov Gülabba 1982-ci ildə Sosialist Əməyi Qəhrəmanı adı, daha sonra Lenin ordeni ilə təltif olunub.
Qeyd edək ki, Xəlilov Rüstəm 64 saylı Sabirabad ikinci seçki dairəsindən Yeni Azərbaycan Partiyasının üzvü kimi deputat seçilib, Milli Məclisin Regional məsələlər komitəsinin üzvüdür.
