İrəvanda İsraillə Ermənistan arasında gizli danışıqlardan bəhs edirlər
İsrailin Qüdsə tam iddiasının kökündə ermənilərlə gizli razılaşma durur.
İstiPress-in məlumatına görə, erməni şərhçi Akop Badalyanın Ermənistanın populyar analitika portalı “Lragir”də dərc etdirdiyi məqalədə bu məsələ üstörtülü vurğulanır.
Müəllif yazıya giriş şəkli kimi Qüdsün xəritəsini qoyub və orda yəhudi məhəlləsi ilə erməni məhəlləsinin yanaşı olduğunu göstərib. Daha sonra o, İsrailin regional əməkdaşlıq nazirinin yayda Ermənistana gəlməsini, noyabrın 6-da isə Ermənistan xarici işlər nazirinin İsrailə səfər etməsini xatırladaraq bu məsələdə razılaşma olduğuna işarə vurur.
“İstənilən halda, Yerusəlimdə erməni mövcudluğu əsas tarixi-siyasi elementdir. Buna görə, şəhər ətrafında geosiyasi prosesləri nəzərə almamaq qeyri-mümkündür”,- deyə erməni şərhçi vurğulayır.
Qüdsün məhəllələri
Əgər Akop Badalyanın dedikləri doğrudursa, bu, ermənilərin Fələstin məsələsində düşərgə dəyişməsi kimi dəyərləndirmək olar. Məsələ bundadır ki, Fələstin Azadlıq Təşkilatı yaranandan xristian ərəblər və ermənilər bu təşkilatın fəal üzvləri idi. Hətta bir ara təşkilatın BMT-dəki nümayəndəsi kimi sovet qəzetləri Ağayan adlı ermənidən bəhs edirdilər. İndi belə çıxır ki, ermənilər “tanrılarını qətlə yetirmiş” (ravvinlərin və yəhudi çarı İrodun İsa peyğəmbər barədə vermiş olduğu hökmü belə dəyərləndirirlər - red.) yəhudilərlə iş birliyinə gedirlər.
Bu məsələdə təkcə erməni şərhçilər yox, onların maliyyələşdirdiyi Moskva şərhçiləri də canfəşanlıq göstərirlər. Məsələn, erməni lobbisinə fəal işləyən şərhçi Stanistlav Tarasov “Regnum”da yazdığı məqalədə iddia edir ki, bu məsələ çox ərəb dövlətlərinin vecinə deyil - sadəcə aranı Türkiyə və İran qızışdırır, biri sünni dünyasının, digəri isə şiə dünyasının lideri olmaq üçün İsraili hədəf olaraq seçiblər.
Yəni tipik erməni yanaşmasıdır, ara qarışdırıb, faydalanmaq istəyirlər. Amma unudrlar ki, ərəblər onların İsraillə iş birliyini aşkar etsələr, dünyanı Ermənistanın başına dar edə bilərlər. Hər halda, ermənilər çox sevdikləri Dəməşq hakimiyyətini belə, ərəb radikallarının qorxusundan açıq müdafiə eləmirdilər.
Qaynarxett.az
