“İkinci dəfə üçəm olacağını eşidəndə şok oldum”.
Türkiyədə ötən il üçəm körpəsi olan ailə növbəti üçəmlərini gözləyir.
qaynarxett.az xəbər verir ki, ANS PRESS-in məlumatına görə, 3 il əvvəl Konyada ailə həyatı quran Həcər – Cüməli Karakılçık cütlüyünün üçəm körpəsi dünyaya gəlib. Ötən gün isə ailə növbəti dəfə üçəm sahibi olacağını öyrənib.
Xəbər ailəni sevindirsə də ata Cüməli indidən dünyaya gələcək üçəmlərin bez və qida məsrəflərini fikirləşməyə başlayıb.
“İkinci dəfə üçəm olacağını eşidəndə şok oldum. İlk üçəmlərimiz hələ 1 yaşındadır. Hazırda onların aylıq qida məsrəfi 1100 lirədir (380 manat). İkinci üçəm xəbərini eşidəndə sevinclə təşvişi bərabər yaşadım”.
Ana Həcər Karakılçık isə imkanlı şəxslərdən xüsusilə bez və uşaq qidası üçün dəstək gözlədiklərini bildirib. Ailənin yaşadığı Seydişehir rayonunun icra nümayəndəsi ailəyə yardım edəcəyinə dair söz verib.
