O, evdən çıxıb və bir daha geri qayıtmayıb.
Cəlilabad rayonunun Ocaqlı kənd sakini, Süleyman Axundov küçəsi, 90 saylı evdə qeydiyyatda olan və yaşayan 29 yaşlı Kərimova Arzu Adil qızı 15.09.2014-cü il tarixində səhər saat 06.00 radələrində yaşadığı evdən çıxıb və bir daha geri qayıtmayıb.
qaynarxett.az xəbər verir ki, Cəlilabad rayon Polis Şöbəsindən ANS TV-yə verilən məlumata əsasən, onun əlamətləri belədir. Boyu 162 sm, gözlərinin rəngi qonur, arıq bədən quruluşlu, saçları sarışın, yumru sifətlidir.
Odur ki, 29 yaşlı Kərimova Arzu Adil qızını itkin düşən gündən sonra görənlərdən və ya onun haqqında hər hansısa bir məlumatı olanlardan 5-52-19 Cəlilabad şəhər və 055 -248-17-33 mobil nömrələrinə zəng edərək xəbər vermələri xahiş olunur.
