Kriminalistlər Mahirovu taparkən, qətlə yetirilən şəxs lüt olub.
Oktyabrın 11-də gecə saatlarında Xəzər rayonunun qəsəbələrinin birində baş verən qətl hadisəsinin detalları aydın olub, qətlin qurbanı 50 yaşlı kişidir.
qaynarxett.az Vesti.Az-a istinadən xəbər verir ki, Xəzər rayon Polis İdarəsində qətlin atılmış tikilidə baş verdiyi bildirilib.
1995-ci il təvəllüdlü yerli sakin Raqif Şərifov 50 yaşlı Sabir Mahirova (adlar etik normalara görrə dəyişdirilib) 10 bıçaq zərbəsi vurub. Kişi aldığı yaralardan hadisə yerində ölüb.
Hadisədən sonra Şərifov polis idarəsinə gəlib və törətdiyi əməli etiraf edib.
Məlumdur ki, kriminalistlər Mahirovu taparkən, qətlə yetirilən şəxs lüt olub. Cinayət aləti isə mətbəx bıçağı olub.
İlkin məlumata görə qətlə yetirilən şəxs homoseksualist olub.
Saxlanılan şəxsin sözlərinə görə həmin gecə Şərifov toy axşamında dostları ilə əylənirmiş. Məlum olduğu kimi Bakı kəndlərində toydan bir gün öncə yalnız kişilərin yığışdığı və toy axşamı adlanan tədbir keçirilir, bura meyxanaçılar da dəvət edilir.
Bu yığıncaqdan sonra Mahirov və Şərifov əylənməyə davam etməyi qərara alırlar. Saxlanılan şəxs bildirib ki, Mahirov ona cinsi əlaqə təklif edib və buna görə pul ödəyəcəyini vəd edib. Cütlük atılmış tikili taparaq, cinsi əlaqəyə giriblər.
Amma Mahirov ona pul ödəməyi düşünmürdü, bunu isə gəncə əlaqəyə girdikdən sonra bildirib. Bundan qəzəblənən gənc oğlan, Mahirov əynini geyinməyə çatdırmadan bıçağı işə salıb.
Hadisə ilə bağlı istintaq Xəzər rayon Prokurorluğu tərəfindən aparılır.
