O, hadisə yerindən qaçıb.
Bakının Yasamal rayonunda geyim mağazasında oğurluq hadisəsi baş verib.
qaynarxett.az xəbər verir ki, APA TV-nin məlumatına görə, hadisə “İnşaatçılar” metrostansiyasının yaxınlığında, geyim mağazalarının birində qeydə alınıb. Naməlum şəxs vətəndaş Namiq Bağırzadəyə məxsus kişi geyimləri mağazasında vitrində asılan və dəyəri 30 manat olan gödəkcəni oğurlayaraq qaçıb.
Oğurluq anı mağazanın təhlükəsizlik kameralarına düşüb.
Hadisə ilə bağlı, obyekt sahibi polisə məlumat verib. Olay yerinə gələn Yasamal Rayon Polis İdarəsinin əməkdaşları araşdırmalara başlayıblar. Hazırda oğrunun müəyyən olunaraq tutulması istiqamətində əməliyyat-axtarış tədbirləri keçirilir.
