Xəstəlikdən ilk ölkən Qvineyada vəhşi heyvan əti yemiş uşaq olub.
Afrikanın qərbində Ebola virusunun yaranmasına meyvə yeyən yarasa səbəb olub, Britaniyanın The İndependent mətbu orqanı yazır, qaynarxett.az xəbər verir.
Xəstəliyin ilk qurbanı Qvineyanın cənub-şərqində 2 yaşlı uşaq olub. O, vəhşi heyvanın ətini yeyib. Ümumdünya Səhiyyə Təşkilatının məlumatına görə, meyvə yarasaları Ebola virusunun təbii mənbələridir.
Meşəçilik sahəsində beynəlxalq araşdırmalar mərkəzi hesablayıb ki, hər il Konqo çayı hövzəsində (Afrika) 5 milyon ton vəhşi heyvan əti yeyilir (yarasalar, şimpanze, qorilla və sair).
Xatırladaq ki, indiyədək Qərbi Afrikada Ebola virusundan 4,5 min nəfər həlak olub. Ümumilikdə 9 minə yaxın insan yoluxub. Ölüm halları daha çox Qvineya, Liberiya və Syerra-Leonedə yayılıb.
