“Bir sələfi də öz inancına uyğun yaşamaq, bir homoseksual da öz zadı ilə bildiyini etmək haqqına sahibdir”.
Tanınmış doktor Vasif İsmayıl qalmaqala yol açacaq fikirlər bildirib. Onun qeyd etdikləri ilə bəziləri razılaşsa da, narazı qalanlar da olub.
Həkimin sözlərinə görə, insanın millətini müəyyənləşdirən qan mövcud deyil: “Elm belə bir gen bilmir. İngilis, fransız, türk, ləzgi geni yoxdur…”
V.İsmayıl eyni zamanda bildirib ki, kürən saç və yaşıl gözülülüyün genləri var:
“İnsan davranış modellərinin genetik əsası əlbəttə vardır. Amma davranış modelimizi biz azərbaycanlılar da özəlləşdirə bilmərik, zira eyni davranışı italyan da, elə gürcü də, balkar da göstərir”.
Həkimin sözlərinə görə, bir millət özünə, başqa millətə, insanlığa xidmət edən 3 tip insan yetişdirə bilər: “Üzeyir Hacıbəyli azərbaycanlıya xidmət edirdi. Nizami Gəncəvi farsa xidmət edirdi. Daha doğrusu, fars dilinə və mədəniyyətinə. Qara Qarayev, Lütfi Zadə isə bütün insanlığa. Amma hamısı bizimdir”.
Vasif bəy əlavə edib ki, hər millətin, hər xalqın, düşüncənin, orientasiyanın, dini inancın eynilə insan kimi yaşama və inkişaf etmə haqqı var: “Əgər bir türk öz dilində danışmaq, video zad çəkmək haqqına sahibsə, bir sələfi də öz inancına uyğun yaşamaq, bir homoseksual da öz zadı ilə bildiyini etmək haqqına sahibdir. Yetər ki, kimsə kimsəyə mane olmasın, nifrət aşılamasın. Başqasına zərər vermədiyin müddətcə azadsan”.
