"Maşın" realiti-şounu bu gün iki iştirakçı: aparıcı Aytən Səfərova və aktrisa Pərvin Abıyeva tərk edib.
“Maşın” realiti-şounun bu günki buraxılışında qutuya ən çox şəkli atılan şəxs reper Uran olub. Uran hədəfinin aktrisa Pərvin Abıyeva olduğunu elan edib.
5 gündür ki, ard-arda “Maşın” şounun digər iştirakçıları ilə mübarizədə qalib gələn və oyundan çıxarılmayan aktrisa Uranın seçimindən təəccüblənmədiyini deyib:
“Uran mənim yeniyetməlik illərimin qəhrəmanıdır. O, repləri ilə həmişə başqalarından fərqlənib. Onun treklərində söyüş yoxdur və insanı çox düşündürür. Yeniyetməlik qəhrəmanımla mübarizə apara bilmərəm, çünki xəyallarıma xəyanət etmək istəmirəm. Digərlərindən fərqli olaraq oyunu başı dik tərk edəcəyəm. Qoy tamaşaçılar qərar versin, mənim artıq izləyicilərimdən səs istəməyə üzüm gəlmir. Göndərməsələr də canları sağ olsun! Əgər məni finalda görmək istəyirlərsə, özləri bilsin”.
Səsverməyə çıxsa da, veriliş ərzində susqunluğu ilə diqqət çəkən Uran isə yeganə məqsədinin maşını udmaq olduğunu deyib. Reper onu da əlavə edib ki, oyunun boz kardinalı yox, boss kardinalı özü olub:
“Mənim ən sadə arqumentim bu maşını udmaq istəməyimdir! Çünki mənim indiyədək maşınım yoxdur”.
Sonda Uran 56, 51 faiz səs toplayaraq qalib gəlib. Daha sonra o, Roza Zərgərliyə müraciət edərək ona öz aralarında baş verən hadisəni danışmasını xahiş edib. Müğənni R.Zərgərli iştirakçılardan kimin onun yerinə gedə biləcəyini soruşub.
Sinirlərini cilovlaya bilməyən Pərvin Abıyeva əlini avtomobildən çəkərək şoudan uzaqlaşıb. Uran isə hədəfinin Aytən Səfərova olduğunu deyib. Nəticədə oyundan iki nəfər çıxıb və şounun finalında mübarizə aparan şəxslər bəlli olub. Bu axşamdan etibarən başlayan final oyununda Uran, Roza Zərgərli və Hüseyn Əzizoğlu qalıb.
Verilişin aparıcısı Murad Dadaşov da öz çıxışında bildirib ki, bu illər ərzində heç vaxt belə oyun görməyib.
Aytən Səfərova isə bir gecədə iki iştirakçını çıxartmaq üçün çirkin oyun qurduğunu deyən R.Zərgərlini namərd qadın adlandırıb:
"Rozanın qruplaşmasına ona görə yaxınlaşmışdım ki, onların gedişlərindən xəbərim olsun".
