backend

“Azərbaycan və Türkiyə ən yaxın zamanda Qarabağda hərbi parad keçirəcək” — Türkiyəli general

“Azərbaycan və Türkiyə ən yaxın zamanda Qarabağda hərbi parad keçirəcək” — Türkiyəli general















“Allahın köməyi ilə Azərbaycan və Türkiyə hərbçilərinin Bakıdakı hərbi parad keçidi ən yaxın zamanda Dağlıq Qarabağda təkrarlanacaq”.
Bu fikirləri eksklüziv açıqlamasında Türkiyə Aviasiya Universitetinin rektoru, Hərbi Hava Qüvvələrinin ehtiyatda olan general-mayoru, sabiq millət vəkili Kürşat Atılqan bildirib.

Türkiyəli general deyib ki, Azərbaycan və Türkiyə hərbçilərinin bu cür birgə fəaliyyəti dünyada türk birliyinin yaranması üçün başlanğıc hesab olunur:

“Türkün birləşdiyi zaman gücünün nələrə qadir olduğunu bütün dünya yaxşı bilir. Dünyada zülmə qarşı mübarizəni daha da sürətləndirmək üçün türkün bu gücünə ehtiyac var. İnşallah Bakıda keçirilən bu hərbi parad zülmə qarşı mübarizənin başlanğıcı olar. Türk dünyası, türk dövlətləri gücləndikcə, dünya daha da adilləşəcək və haqq-ədalət öz yerini tapacaq”.
Kürşat Atılqan qeyd edib ki, işğalçı Ermənistan Bakıda keçirilən hərbi paraddan özünə ağıllı dərs çıxartmalıdır:

“Bunun üçün də ilk növbədə işğalçılıq siyasətinə son qoymalı və Azərbaycan torpaqlarından dərhal çıxmalıdırlar. Bunun başqa yolu da yoxdur. Onsuz da gec-tez Azərbaycan həmin torpaqları ya sülhlə, ya da müharibə yolu ilə işğaldan azad edəcək. Erməni xalqı sülh yolunu nə qədər tez seçsə, bir o qədər qazanacaq. Əslində, ermənilər ağıllı millət olsaydı, regionda türk dövlətləri ilə doğru siyasət aparardılar. Belə olan zaman erməni xalqı da rifah içərisində yaşayar”.