backend

Korrupsiya bulaşmış Xaçmaz səhiyyəsi- Səyyaf Tağıyev necə milyonçuya çevrilib

Korrupsiya bulaşmış Xaçmaz səhiyyəsi-  Səyyaf Tağıyev necə milyonçuya çevrilib

Azərbaycanın şimal rayinlarındakı əhali son vaxtlar cənuba üz tutaraq İran İslam Respublikasına müalicəyə gedirlər.
Azerinfo.tv-yə danışan Xaçmaz sakinləri deyir ki, bunun səbəbi yerli səhiyyənin xidmətinin aşağı olmasıdır

Xaçmaz Səhiyyə idarəsi ilə bağlı daxil olan məlumata görə rayon mərkəzi xəstəxanasında özbaşınalıq pik həddə çatıb. Məlumatda qeyd olunur ki, hazırda Xaçmaz xəstəxanası demək olar fəaliyyət göstərmir. Mərkəzi xəstəxanada müasir tibb avadanlıqların olmasına baxmayaraq rayon sakinləri Xaçmazda fəaliyyət göstərən özəl tibb müəsiəssinə daha çox müraciət edirlər. Çünki Səyyaf Tağıyevin rəhbərlik etdiyi rayon səhiyyəsi başdan ayağa korrupsiyanın içindədir.


Korrupsiyaya bulaşmış səhiyyə

İnformasiya mənbəmiz bildirir ki, Mərkəzi xəstəxanada qeydiyyyat otağından başlayaraq əməliyyat masasına kimi hər bir prosesin öz məzənnəsi var. Vətəndaşlardan alınan rüşvətin qarşılığında belə normal tibbi quluğun olmamasına görə sakinlər rayondakı iki özəl klinikaya daha çox müraciət etmək məcburiyyətində qalırlar. Səyyaf Tağıyevin baş həkimi olduğu tibb ocağında isə əlini cibinə salmayan xəstələr və onların yaxınları üçün əlavə problemlər yaradılır.

Hazırda rayonda 91 səhiyyə müəssisəsi fəaliyyət göstərir. Rayon kəndlərində fəaliyyət göstərən tibb məntəqələri isə demək olar ki, yox vəziyyətindədir. Bu tib məntəqələrindən yalnız dərman və sarğı pereparatlarının silinməsi üçün istifadə olunur. Rayon sakinlərinin bildirdiyinə görə Səyyaf Tağıyev işi gücü tibb məntəqələrinin hesabına dövlət vəsaitlərini mənimsəmək və özünə var dövlət yığmaqdan ibarətdir. Baş həkim hər dəfə bəh-bəhlə Mərkəzi xəstəxananın təmirindən, ordakı müasir aparatlardan danışır. Amma yaxşı bilir ki, son illər Xaçmaz sakinləri rayon Mərkəzi xəstəxanasına gəlmirlər. Çünki Səyyaf Tağıyevin rüşvət sistemi bütün sakinləri bezdirib. Və onlar normal tibbi müayinə, düzgün analiz, rüşvətsiz həkim axtarışındadırlar.

Rayon sakinləri iddia edirlər ki, Mərkəzi xəstxanada «tibb bacısından tutmuş həkimlərə, eləcə də xəstəxananın rəhbərliyinə kimi az qala hər kəs xəstənin onların maraqlarını təmin etməsini gözləyir. Xəstəxanaya yolun düşən kimi hamı sənin geyim-keciminə, xarici görkəminə fikir verir. Əgər kənardan imkanlı adam təsiri bağışlasanız, o zaman tibb personalı sizi gülərüzlə qarşılayacaq və dərhal nədən şikayət etməyinizlə maraqlanacaq. Yox əgər xarici görkəminizə baxanda imkansız olduğunuz başa düşülsə, onda yanınıza belə gələn olmayacaq. Artıq Xaçmazda hamıya bəllidir ki, rayonun xəstəxanasında çalışan tibb işçiləri xəstənin müalicə olub-olmaması ilə qətiyyən maraqlandırmır».

Bundan başqa xəstəxananın stasionar şöbələrində vəziyyətin acınacaqlı və Profilaktik-müalicə sisteminin keyfiyyətinin olduqca aşağı olduğu iddia olunur. Həmçinin Xaçmaz rayonunun kənd ambulator məntəqələrinə dərman və tibbi ləvazimatlarının ümumiyyətcə verilmədiyi bildirilir. Mərkəzi xəstəxanın özündə blə dövlət tərəfindən vətəndaşlara verilən 161 adda dərmandan isə əsər əlamət belə yoxdur. Sadəcə bəzi ağrıkəsici, ucuz pereparatlar və sarğı ləvazimatları tapmaq mümkündür. Hər il Xaçmaz rayon Mərkəzi xəstəxanasına 400 min manatlıq dərman və sarğı pereparatları ayrılır. Ayrılan dərman və sarğı pereparatlarının böyük bir hissəsi Səyyaf Tağıyev və “komandası” tərəfindən silinərək mənimsənilir. Dövlət büdcəsindən ayrılan digər vəsaitlər isə kənd məntəqələrinin cari təmiri və digər avadanlıqlarının alınması adı altında sənədləşdirilərək Səyyaf Tağıyevin cibinə axır.


Baş həkimin əldə etdikləri

Bir müddət əvvəl müstəqil hüquq müdafiəçisi Avtandil Məmmədov Xaçmaz rayon Mərkəzi Xəstəxanasında baş verən qanunsuzluqlar və korrupsiya faktları barədə müraciət yaymışdı.
Həmin müraciətdə o baş həkimin dövlətin büdcəsindən silinən vəsaitlər sayəsində əldə etdiyi obyektlər və mülklər haqqında qısa məlumat vermişdi:
“1.Xaçmaz elektirik stansiyası ilə üzbəüz yaşayış sahəsinin sonundaki maldarlıq ferması.
2.Nabranda quşçuluq ferması.
3.Niyazabad yolu üzərində dəmir yolu xəttini yaxınlıqında quşçuluq ferması.
4.Niyazabad yolu üzərində yeni yaşayış massivində dəb-dəbəli ev.
5.Nabranda villası.
6.Mərkəzi xəstəxananın qarşısında böyük bir bina-bura fəza kursları və müxtəlif şəxslərə,apteklərə icarəyə verilib və s.”




Bildirək ki, Xaçmaz mərkəzi xəstəxanası ilə bağlı araşdırmalarımız davam edir və yaxın günlərdə bu səhiyyə ocağında baş vrən maliyyə pozuntuları ilə bağlı oxucularımıza ətraflı məlumatlar verəcəyik. Bizi izləməkdə davam edin.