Bu axşam Bakıdakı işıqforlarda yaşıl dalğa tətbiq ediləcək

Sosial / hadise 31-12-2018, 17:28
Bu axşam Bakıdakı işıqforlarda yaşıl dalğa tətbiq ediləcək

Bakı Nəqliyyat Agentliyi (BNA) bu gün axşam saatlarından gecə saatlarına qədər paytaxtın yollarındakı işıqforların fəaliyyətinə nəzarəti adi günlərlə müqayisədə artıracaq. “Report” xəbər verir ki, bu barədə qurumun mətbuat xidmətinin rəhbəri Mais Ağayev məlumat verib.

Onun sözlərinə görə, sıxlıq müşahidə edilən küçə və prospektlərdə nəqliyyat vasitələrinin normal hərəkətini təmin etmək məqsədi ilə işıqforlarda yaşıl dalğa tətbiq ediləcək.

Bundan başqa, bayram günlərində sərnişin axınına uyğun olaraq marşrutlar üzrə xətlərə buraxılan avtobusların intervalına əməl olunması, təhlükəsizlik qaydalarına riayət edilməsi, həmçinin sürücülərin müvafiq sərnişindaşıma və yol hərəkəti qaydalarına əməl etmələri barədə lazımi tədbirlərin görülməsi, o cümlədən avtobusların istehsalat bazalarından reysə çıxmalarının təmin edilməsi ilə bağlı daşıyıcılara göstəriş verilib.

Xatırladaq ki, bir qədər əvvəl BNA Dünya Azərbaycanlılarının Həmrəyliyi günü və Yeni il bayramı ilə əlaqədar dekabrın 31-dən yanvarın 1-nə keçən gecə müntəzəm marşrut xətləri üzrə avtobusların fəaliyyəti sərnişin axınına uyğun olaraq təşkil ediləcəyini, həmçinin zərurət olan istiqamətlər üzrə xəttə əlavə avtobuslar buraxılacağını bildirib.
Oxunub: 181
OXŞAR MÖVZULAR
loading...
ÇOX OXUNANLAR
SOSİAL ŞƏBƏKƏ
TƏQVİM
«    Sentyabr 2019    »
BeÇaÇCaCŞB
 1
2345678
9101112131415
16171819202122
23242526272829
30 


ILK-10