İsgəndər Həmidov “Bandotdel”ə aparılıb – Keçmiş nazirə sonuncu dəfə xəbərdarlıq edilib

gundem / Siyasət / hadise 12-03-2019, 20:37
İsgəndər Həmidov “Bandotdel”ə aparılıb – Keçmiş nazirə sonuncu dəfə xəbərdarlıq edilib
“Mənə bildirdilər ki, yaşlı adamsan, niyə görə xalq hərəkatı yaratmısan?”

Yenicag.az xəbər verir ki, bu gün günorta saatlarında Azərbaycan Xalq Hərəkatı (AXH) İdarə Heyətinin üzvü, keçmiş daxili işlər naziri İsgəndər Həmidovu Baş Mütəşəkkil Cinayətkarlığa Qarşı Mübarizə İdarəsinə (“Bandotdel”) aparılıb.

Bu barədə Yenicag.az-a danışan sabiq nazir bildirib ki, onu AXH-nin fəaliyyətinə və çıxışlarına görə saxlayıblar.

Həmidovun sözlərinə görə, onu saat 13:00 radələrində polislər saxlayıb və DİN-ə dəvət ediblər:

“Namaz qılıb çıxanda 5-6 nəfər yaxınlaşaraq, mədəni şəkildə bildirdilər ki, Daxili İşlər Nazirliyinə getməliyik. Ancaq yolda hərəkət zamanı gördüm ki, Nazirliyə yox, başqa istiqamətə gedirik. Soruşdum ki, “Bandotdel”ə aparırsınız? Dedilər, bəli.

Orada 4 saat 20 dəqiqə mənimlə söhbət apardılar, çıxışlarımla bağlı suallar verdilər. Soruşurdular ki, rayona gedəndə kimlərlə görüşürsən? Dedim, kim salam verirsə, onunla. Mənə bildirdilər ki, yaşlı adamsan, niyə görə xalq hərəkatı yaratmısan?”.

İsgəndər Həmidov bildirib ki, ona sonuncu dəfə xəbərdarlıq edərək, sərbəst buraxıblar.
Oxunub: 253
OXŞAR MÖVZULAR
loading...
ÇOX OXUNANLAR
SOSİAL ŞƏBƏKƏ
TƏQVİM
«    Sentyabr 2019    »
BeÇaÇCaCŞB
 1
2345678
9101112131415
16171819202122
23242526272829
30 


ILK-10