BOLGEXEBER.COM və BÖLGƏ TV “Ekologiyamızı necə qoruyaq” rubrikasına start verib. Rubrikanın mövzusu ekologiyamızın necə qorunması haqdadır.
BOLGEXEBER.COM və BÖLGƏ TV “Ekologiyamızı necə qoruyaq” rubrikası çərçivəsində bu dəfə Saatlı İmişli ,Beyləqan rayonlarında olublar , çəkilişlər aparıblar. Əməkdaşlarımız adıçəkilən rayonların ərazilərində fəaliyyət göstərən , sahibkarlara məxsus qum karxanalarında olublar.
Müəyyən olunub ki, ərazidəki əksər müəissələr qanunauyğun, Ekologiya və Təbii Sərvətlər Nazirliyinin müəyyən etdiyi normativlərə uyğun fəaliyyət göstərirlər,ekologiyanı pozmurlar və ətraf mühitə heç bir ziyan vurmurlar.
Amma əməkdaşlarımız bəzi qum karxanalarının təbiətə ziyan vurmasının şahidi olublar ki, ekologiya ciddi ziyan vuran qum karxanalardan biri də İmişli rayon Otuziki kənd ərazisində fəaliyyət göstərən qum karxanasıdır.
BOLGEXEBER.COM və BÖLGƏ TV –nin əməkdaşları bu qum karxanasının ərazində çəkiliş zamanı 5 ədəd yaş yulğun ağacının ağır texnika ilə məhv edilməsinin , 50 -yə yaxın ağacın isə zədələnməsinin şahidi olublar.
Məsələ ilə bağlı əməkdaşımız adıçəkilən karxananın mülkiyyətçisi Kamran adlı şəxslə söhbət edib. Sahibkar bildirib ki, onlar qanuni əsasda fəaliyyət göstəririlər və onalrın Ekologiya və Təbii Sərvətlər Nazirliyi tərəfindən verilən sənədi var.
Əlbəttə sahibkarın ərazidə fəaliyyət göstərməsi üçün sənədi ola bilər, amma bu ona əsas vermir ki, o rahatca kütləvi surətdə qanunsuz olaraq ağacları məhv edə bilər.
Əməkdaşlarımız həmçinin Ekologiya və Təbii Sərvətlər Nazirliynin 3 saylı Regional Ekologiya və Təbii Sərvətlər İdarəsinin rəisi Kənan Kərimli ilə əlaqə saxlayıb.Kənan Kərimli müxbirimizə açıqlamasında bildirdi ki:”Artıq məsələ nəzarətimizə götürülüb . Tək bu deyil ,digər qum karxanaları var ki,onlar barəsində lazımi tədbirlər görüləcək və görülüb.
3 saylı Regional Ekologiya və Təbii Sərvətlər İdarəsi tərəfindən ekologiyanı pozanlara, yaşıllığı məhv edənlərə qarşı qanuna uyğun tədbirlər görülür,həmin karxanalar cərimələnir.Biz mütəmadi olaraq reydlər aparırıq və bundan sonra da reydləri davam etdirəcəyik”.
***
3 saylı Regional Ekologiya və Təbii Sərvətlər İdarəsindən verilən yeni məlumata görə İmişlidə ekologiyaya ziyan qum karxanası artıq nəzarətə götürülüb və onun barəsində ETSN tərəfindən araşdırma aparılaraq tədbir görüləcək.
QAYNARXETT.AZ