Ermənistan silahlı qüvvələrinin bölmələri Azərbaycan-Ermənistan dövlət sərhədinin Tovuz istiqamətində mövqelərimizi ələ keçirmək məqsədilə artilleriya atəşlərindən istifadə edərək hücuma keçməyə cəhd göstərib.
"Görülən adekvat tədbirlər nəticəsində düşmənə zərbə endirilib və o, itki verərək geri otuzdurulub.
Döyüş nəticəsində Azərbaycan Ordusunun hərbi qulluqçularından 2 nəfər şəhid olub, 5 nəfər isə yaralanıb.
Müdafiə Nazirliyinin rəhbərliyi şəhid olanların ailələrinə başsağlığı verir və səbr diləyir. Allah rəhmət eləsin!" - deyə Müdafiə nazirliyinin məlumarinda bildirilir.
* * *
2020 İyul 12 (Bazar) 17:43:18
Tovuz istiqamətində döyüçlər gedir
Bakı/12.07.20/Turan: İyulun 12-də günorta saatlarından başlayaraq Ermənistan silahlı qüvvələrinin bölmələri Azərbaycan-Ermənistan dövlət sərhədinin Tovuz rayonu sahəsində atəşkəs rejimini pozub. Bu barədə Müdafiə Nazirliyinin bu gün yaydığı məlumatda deyilir.
Məlumata görə Ermənistan tərəf artilleriya qurğularından istifadə etməklə Azərbaycan mövqelərini atəşə tutublar.
“Hər iki tərəfdən itkilər var, haızırda bu istiqamətdə döyüş gedir. Əməliyyat şəraiti bölmələrimizin nəzarəti altındadır”, deyə məlumatda vurğulanır.
Mdafiə Nazirliyi ictimaiyyətə bu barədə əlavə məlumat veriləcəyini bildirir.
