Ölkə Prezidenti cənab İlham Əliyev tərəfindən dəfələrlə dövlət qulluqçularının xalqın yanında olmaq, xalqa ləyaqətlə xidmət etmək, sahibkarlara dəstək olmaq, rüşvətxorluq və korrupsiya yolundan çəkinmək kimi ciddi tapşırıqlar vermişdir. Bütün vəzifəli şəxslər cənab Prezidentin apardığı islahatlara dəstək verməli, üzərlərinə qoyulmuş vəzifələri dərk etməli, öz işlərində qanunu və qanunçuluğu əsas tutmalı, mənfi tendensiyalara imkan verməməli, rüşvət və korrupsiyadan uzaq durmalıdır.
Dünyada COVID-19 pandemiyasının başlanmasından etibarən Prezident cənab İlham Əliyevin rəhbərliyi altında Azərbaycan Respublikası tərəfindən regional və qlobal səviyyədə koronavirusa qarşı mübarizədə beynəlxalq həmrəyliyin gücləndirilməsi məqsədilə zəruri təşəbbüslər irəli sürülür və əməli addımlar atılır.
Ağsu rayonu ərazisində də karantin rejiminin tələbləri qüsursuz şəkildə icra edilir.
Azərbaycan Respublikasının Prezidenti cənab İlham Əliyevin imzaladığı bir sıra mühüm sərəncamlar ölkənin sosial-iqtisadi həyatında daha böyük inkişafa yol açır. Bütün sahələrdə uğurlu inkişafı qarşıya prioritet məsələ kimi qoyan dövlət rəhbəri, bölgələri də xüsusi diqqət mərkəzində saxlayır. Bu baxımdan, ölkə başçısı zəif işləyən, eləcə də yaşlanmış rayon icra başçılarını daha cavan, enerjili və bacarıqlı kadrlarla əvəz edir. Rayon rəhbərlərinin daha perspektivli kadrlarla əvəzlənməsi, eləcə də nöqsanlı işləyən başçıların işdən çıxarılaraq cəzalandırılması ölkə əhalisində dövlətə, onun rəhbərliyinə qarşı daha böyük inam və parlaq gələcəyə qırılmaz ümid hissi yaradır.
İcra başçısının əsas diqqət ayırdığı məsələ Ağsu rayonunda COVİD-19 infeksiyasının qarşısının alınması məqsədilə kompleks profilaktiki tədbirlər davam etdirilməsidir. Karantin rejiminin olmağına baxmayaraq, həmcinin rayon sakinlərinin problemlərinin qısa müddətdə həll olunması da diqqət mərkəzindədir. Məhz rayon rəhbərinin məqsədyönlü fəaliyyəti nəticəsində şəhər ərazisində yaşıllaşdırma, abadlaşdırma sahəsində böyük canlanma hiss olunur. Belə ki, rayon mərkəzindəki Bayraq meydanı, park və küçələrdə ağaclar budanır, bəzək kolları səliqəyə salınır, örtük daşları yenilənir, yollar genişləndirilir, bir sözlə, göz oxşayan gözəlliklər yaradılır. Rayon mərkəzi ilə kəndləri birləşdirən kəndarası yolların təmiri diqqətdə saxlanılır, əhalinin rahat gediş-gəlişi təmin olunur. Rayon camaatının fasiləsiz işıq və rabitə ilə təminatı istiqamətində də ciddi işlər aparılır. Bu mənada köhnə dirəklərin yeniləriylə əvəz olunması, kabelləşmə işlərinin aparılması, yeni işıq yarımstansiyasının quraşdırılması əhalinin razılıgına səbəb olmuşdur.
Xəbərci.info olaraq, Ağsuda aparılan tikinti-abadlıq işləri ilə baglı foto-kadrları oxucularımızın nəzərinə catdırırıq:
Hazırladı: Rüstəm Zahidoğlu
Xəbərci.info-nun təsisçisi
001000
