Çox təssüflər olsun ki bu gün dövlətin qanunlarına saymazyanlıq nümayiş etdirən ictimai iaşə obyektləri çoxluq təşkil edir. İndiki Pandemiyya şəraitində bilərəkdən bu qanunlara hörmətsizlik belə qəbildən olan insanların iç üzünün yalnız koorparativ maraqlar müqabilində fəaliyyət göstərməsi hesabına aşkar olunur.
Bu gün Abşeron rayonunun Fatmayi kəndində qanunsuz fəaliyyət göstərən Oskar istirahət mərkəzi dövlətin qanunlarına hörmətsizlik nümayiş etdirən ən pis nümunələrdən biridir.
İctimai nəzarətin bir qolu olaraq biz apardığımız jurnalist araşdırmaları nəticəsində qanunsuz olaraq fəaliyyət göstərən Oskar istirahət mərkəzinin iç üzünün nədən ibarət olduğunun şahidi olduq.
Baş verən olayları əlbəttə yerində dəqiqləşdirmək üçün bir media olaraq bizlərdən fakt tələb olunur. Biz bunu bacara bildik. Əməkdaşlarımız Abşeron rayonunun Fatmayi kəndində Otel pərdəsi altında guya işləyən Oskar istirahət mərkəzinin əslində əxlaqsız yuvası kimi fəaliyyət göstərməsini faktlarla və video çəkilişlərlə bir sübut kimi ortaya qoya bilmişdilər.
Belə rüsvayçı işlərlə məşğul olmaq,otelləri,istirahət mərkəzlərini əxlaqsız yuvalarına döndərmək həm dövlətin qanunlarına və həm də azərbaycan xalqının iradəsinə, adət ən-ənəsinə ziddir. Belə neqativ hallar cəmiyyətdə, içtimaiyyət arasında çox pis qarşılanır və utanc gətirir.
Yaxşı olardı ki aidiyyatı qurumlar və əraziyə cavabdeh olan hüquq mühafizə orqanları bu işləri nəzarətə götürüb ölçü götürsünlər.
Abşeron rayonunun Mehdiabad qəsəbəsində yerləşən Bağçasaray istirahət mərkəzi, Nərimanov rayonunda Dərnəgül ərazisində yerləşən Sabirabad deyilən oteldə belə pis numunələrdən, rusvayçı ocaqlardan biridir. Biz bunlar barədə video faktlar tərtib edərək hüqüq mühafizə orqanlarına müraciət etsəkdə nə isə ciddi ölçülərin götürülməsinin hələki şahidi olmamışıq.
Biz Azərbaycan polisinə inanır, onun başçısı cənab nazir Vilayət Eyvazovun qətiyyətli mövqeyinə, polisdə aparılan islahatlara, kadr dəyişiklərinə, qanunlara hörmətlə yanaşan,polis adına şərəf gətirən bacarıqlı kadrların irəli çəkilməsinə şərait yaratmasına və ən azı içtimai asayişin daim stabil qalmasına vicdanla qulluq etməsinə görə minnətdarıq, alqışlayırıq.
Biz Azərinfo.az olaraq Ictimai nəzarətin bir qolu kimi ifşa edib faktlarla video çəkilişlərlə ortaya qoyduğumuz, ədalət mühakiməsinə çıxartdığımız bu obyektlər barədə inanırıq ki, yaxın günlərdə şanlı Azərbaycan polisinin münasibətinin şahidi olacağıq.
Abşeron rayonu Fatmayi kəndindəki Oskar istirahət mərkəzində əməkdaşlarımızın çəkdikləri videodan açıq aydın görünür ki, bu insanlar indiki pandemiya dövründə dövlətimizin qəbul etdiyi qərarlara, qanunlara etinasızlıq göstərərək öz çirkin məqsədləri naminə azərbaycançılığa sığmayan tərzdə ədəbsizlik hörmətsizlik nümayiş etdirirlər. Sanki heç kimi saya salmamış kimi bəzi anlarda kobud rəftar edib, lazım gələrsə fiziki güc tətbiq etməkdən belə çəkinməyən hədə -qorxu gəlirlər. Və bəzəndə buna nail olurlar. Arxalarında Super bir arxayınçılıq hiss edirlər. Məhz onun ağır nəticəsidir ki belə insanlar cəmıyyətı zəhərləyirlər, pis vərdişlər aşılayırlar.
Son olaraq bizdə Media. tv olaraq jurnalist araşdırmalarımızı davam etdirəcək, bu mövzunu daim diqqət mərkəzində saxlayacaqıq və qarşı tərəfin də mövqeyini öyrənməyə dinləməyə və dərc etməyə hazırıq.
BİA.az
