Ərbəin – İmam Hüseynin (ə) şəhadətinin 40-cı günü münasibətilə Azərbaycan məscidlərində matəm mərasimi keçiriləcək
Qafqaz Müsəlmanları İdarəsinin (QMİ) mətbuat xidmətindən azvision.az-a verilən məlumata görə, mərasim paytaxtda və şimal bölgəsinin bəzi məscidləri istisna olmaqla, bütün bölgələrdəki məscidlərdə keçiriləcək.
Mərasimlərdə Kərbəla hadisələrinin tarixi mahiyyəti, Vətən, iman sevgisi, torpağa bağlılıq təlqin olunacaq. Məclislərdə Kərbəla şəhidlərinin şəninə xütbələr oxunacaq, Vətənimiz uğrunda şəhid olanların əziz xatirəsi yad ediləcək. Qafqaz Müsəlmanları İdarəsi Azərbaycan müsəlmanlarına İmam Hüseyn (ə) təziyəsi ilə bağlı başsağlığı verir. Xatırladaq ki, Ərbəin günü dekabrın 13-nə təsadüf edir.
