Mühacirlər ölkəni rublun zəiflədiyi üçün tərk edirlər
2014-cü ilin yanvar ayından başlayaraq Rusiyanı 417 000 Avropa, Şimali Amerika, Avstraliya və Yeni Zelandiya vətəndaşı tərk edib, Federal antimonopoliya xidmətinin məlumatına əsasən RBK xəbər verib.
Ümumilikdə xaricilərin sayı artıb, amma Ukrayna münaqişəsi zamanı gələn ukraynalıların hesabına...
Ölkəni tərk edən vətəndaşlarının sayına görə mütləq lider Almaniya olub. Bir il ərzində Rusiyanı 108,4 min alman tərk edib. ABŞ-a 79,3 mindən çox adam, Birləşmiş Krallığa isə 68,7 min britaniyalı qayıdıb.
Ukraynalıları nəzərə almadan Rusiyanı 417 min xarici vətəndaş tərk edib.
Hesabat dövrü ərzində məlum olub ki, Rusiyanı 11 735 azərbaycanlı tərk edib.
Belə ki, 2014-cü ilin birinci yarımilliyində Rusiyaya 16 461 azərbaycanlı gedib, ikinci yarımillikdə isə 28 196 azərbaycanlı bu ölkəni tərk edib. Beləliklə də Rusiyada həmvətənlərimizin sayı 11 735 nəfər azalıb.
Ekspertlər qeyd ediblər ki, əmək mühacirləri Rusiyanı rublun zəifləməsi və patent sisteminin tətbiqi səbəbindən tərk edirlər.
Xatırladaq ki, 2015-ci ilin yanvar ayının 1-dən xarici vətəndaşlar Rusiyada işləmək üçün patent almalıdırlar. Vahid patentləri zamanla kvota mexanizmi əvəz edəcək və mühacirlərə hüquqi şəxslərin, eləcə də fərdi sahibkarların yanında işləməyə icazə verəcək.
Bundan başqa, 2015-ci ilin yanvar ayından Rusiyada MDB ölkələrinin vətəndaşları üçün ölkəyə giriş-çıxış rejimi barədə qanun qüvvəyə minib. İndi bu ölkəyə xarici pasportu olmadan yalnız Gömrük İttifaqı ölkələrinin - Belarus və Qazaxıstan vətəndaşları gələ bilərlər. Eləcə də bu, Gömrük İttifaqına və Avrasiya İqtisadi İttifaqına daxil olmaq istəyini bildirən Qırğızıstan üçün də istisna edilib.
