Rusiya ilə Səudiyyə Ərəbistanı arasında Suriya məsələsilə bağlı danışıqlar aparıldığı iddia olunur
qaynarxett.az Avropa.info-ya istinadən xəbər verir ki, Rusiyanın Əsədə verdiyi dəstəyi çəkməsi qarşılığında Səudiyyə Ərəbistanının neftin qiymətlərini yüksəltməyi təklif etdiyi bildirilir.
Mətbuatda yayılan xəbərlərdə Səudiyyə Ərəbistanının Suriya məsələsində Rusiyaya qarşı neft “kozr”-ından istifadə etdiyi söylənilir.
İddialara görə Səudiyyə Ərəbistanı hökuməti Rusiyaya neftin qiymətini artırmağı təklif edib. Bunun qarşılığında isə Rusiyanın Suriyanın arxasından çəkilməsini istəyib.
“New York Times”-də yayımlanan xəbərdə Rusiya ilə Səudiyyə Ərəbistanı arasında neft böhranının həlli ilə bağlı bir sıra gizli danışıqların keçirildiyi bildirilir.
Qəzetə müsahibə verən Səudiyyə Ərəbistanlı diplomat məsələylə bağlı bunları bildirib: "Neft Suriyadakı sülhü təmin etməyə kömək edəcəksə Səudiyyə Ərəbistanının razılaşma əldə etməsində heç bir maneə görmürəm".
BMT-nin Suriya üzrə xüsusi nümayəndəsi Staffan de Mistura Suriyada böhranının həlli üçün Türkiyə, İran, Səudiyyə Ərəbistanı, Rusiya və ABŞ-ın razılığa gəlməsinin şərt olduğunu söyləyib.
