Azərbaycanda ixtisas qruplarının sayı artırıldı

796

Azərbaycanda ixtisas qruplarının sayı artırıldı






















TQDK qərar qəbul etdi

Tələbə Qəbulu üzrə Dövlət Komissiyasının (TQDK) Kollegiyasının qərarına əsasən, bu ildən etibarən ixtisas qruplarının sayı dörddən beşə artırılıb.

qaynarxett.az TQDK-nın məlumatına istinadən xəbər verir ki, V ixtisas qrupuna xüsusi qabiliyyət tələb edən ixtisaslar daxildir (I ixtisas qrupuna daxil olan Memarlıq və Dizayn (memarlıq və dizayn istiqaməti) ixtisasları istisna olmaqla).

V ixtisas qrupu üzrə müsabiqədə iştirak etmək üçün tam orta təhsil səviyyəsini əvvəlki illərdə və ya xarici ölkələrdə bitirən abituriyentlər buraxılış imtahanı keçirilən qaydada qəbul imtahanı verirlər və müsabiqədə bu imtahandan əldə etdikləri nəticələrinə əsasən iştirak edirlər.

Azərbaycan Respublikasında tam orta təhsil səviyyəsini cari ildə bitirən abituriyentlər qəbul imtahanında iştirak etmirlər. Onlar müsabiqədə buraxılış imtahanının nəticələrinə əsasən iştirak edirlər.