"WhatsApp" qəzalara səbəb olur
Bir çox mütəxəssislər son zamanlar yol-nəqliyyat qəzalarının səbəbkarı kimi məhz "ağıllı telefonları" göstərirlər.
Araşdırmalarda "WhatsApp" mesajlaşma tətbiqetməsi xüsusi yer tutur. Statistikaya görə, yolda "WhatsApp"dan istifadə qəzanın baş vermə təhlükəsini 20 faiz artırmış olur.
Duisburg-Essen Universitetinin araşdırmaçısı Mixael Şrekenberq hər il baş verən 2 milyon 400 min nəqliyyat qəzasının 300 mininin internetə qoşulu olan mobil telefonlarla bağlı olduğunu deyib. O bildirib ki, bu qəzalarda "WhatsApp"ın daha çox günahı var.
Almaniyanın "ADAC" adlı nəqliyyat klubunun üzvləri hər 10 qəzadan 1-nin sırf mesajlaşmalara görə baş verdiyini qeyd ediblər.
ABŞ-da aparılmış araşdırmalara görə isə, yol-nəqliyyat hadisələrinin artmasına məhz "WhatsApp"dan istifadə göstərilib. Belə ki, mütəxəssislər vurğulayıb ki, "WhatsApp"dan istifadə qəzanın baş vermə təhlükəsini 20 faiz artırır.
"WhatsApp" smartfonlar üçün ani mesajlaşma mübadilə sistemidir. Mətn mesajlarını, təsvirləri, videonu və audionu göndərməyə imkan verir. Müxtəlif platformalarda Android, BlackBerry OS, BlackBerry 10, iOS, Series 40, Symbian (S60) və Windows Phone. Messenceri yaratmış şirkətin 2009-cu ildə əsası qoyulmuşdur. Şirkətin mərkəzi ofisi Santa-Klara, Kaliforniya ştatında yerləşir.
