Nəqliyyat naziri Ziya Məmmədovun oğlu Anar Məmmədovun daha bir layihəsi iflasa uğrayıb
Bu barədə məlumat nəqliyyat nazirinin yaxın ətrafından daxil olub.
Məlumatda deyilir ki, Azərbaycanda amerikalı milyarder Donald Trampın adı ilə bağlı olan "Trump Touers Baku" layihəsini "Qarant Holdinq" həyata keçirib. Bildirilir ki, Anar Məmmədov təkcə bu ada görə Donald Trampa 2 milyon 500 min manat ödəyib. Bundan başqa Donald Tramp da bu layihəyə ortaq olub. Lakin o, layihənin maliyyələşməsinə heç bir yardım etməyib. Layihənin bütün maliyyəsini "Qarant Holdinq" üzərinə götürüb.
Avropa Oyunlarından əvvəl "Qarant Holdinq" maliyyə ayırmağı dayandırıb. İşçilərə bildirilib ki, oyunlardan sonra yenidən maliyyə vəsaiti ayrılacaq. Artıq Avropa Oyunlarından 5 ay keçməsinə baxmayaraq "Qarant Holdinq" hələ də maliyyə ayırmayıb. Beləliklə də, "Trump Touers"in tikintisi yarımçıq saxlanılıb. İşçilərin əhəmiyyətli hissəsi də ixtisara salınıb.
