Prezident struktur islahatlarının anonsunu verdi – Şərh

Siyasət 12-01-2016, 01:52
Prezident struktur islahatlarının anonsunu verdi – Şərh

Detallar tam olaraq açıqlanmasa da, 2016-cı ildə ölkədə köklü dəyişikliklərin olacağı gözləniləndir.

Bu sözləri Prezidenti İlham Əliyevin Nazirlər Kabinetinin 2015-ci ilin sosial-iqtisadi inkişafının yekunlarına və qarşıda duran vəzifələrə həsr olunan müşavirəsindəki nitqini şərh edən politoloq Qabil Hüseynli deyib. Onun sözlərinə görə, son müşavirə ilə qarşıya qoyulan konkret vəzifələr iqtisadi sahələrdəki sualları aradan qaldıracaq:

“Ən mühüm addım aqrar sənaye sahəsində olacaq. Çünki qeyri-neft sektoru dedikdə ilk yerdə kənd təsərrüfatı gəlir. Bu sferada maddi-texniki tədqiqat, suvarma sistemləri, toxumçuluq sənayesinin inkişafına xüsusi qayğı göstərilməsi, eyni zamanda, real sektorda, ağır sənaye, maşınqayırma sahələrinə də diqqət artırılması əsas məsələlərdəndir. Prezident İlham Əliyev struktur islahatlarının aparılacağını və çevik idarəetmə mexanizmlərinin yaradılacağının anonsunu verdi. Bu, operativ qərarlar qəbul etmək imkanına malik, peşəkar və çevik idarəetmə komandasının formalaşmasından xəbər verir. Görünür, ciddi nəzarət mexanizmi də işə düşəcək. Bu həm dövlət, həm də ictimai nəzarət şəklində həyata keçiriləcək”.

Politoloqun sözlərinə görə, prezidentin sözügedən məsələlərdə ölkə mediasının üzərinə böyük iş düşdüyünü vurğulaması ictimai rəyin önəmini bir daha ortaya qoyur:

“Maaş və pensiyaların artırılması istiqamətində verilən göstərişlər xüsusilə təqdirəlayiqdir. Son müşavirə göstərdi ki, ölkədə bir çox mənfi hallara qarşı kəskin addımların atılması ilə sahibkarlığın inkişafına təkan veriləcək”.

Qeyd edək ki, yanvarın 10-da Azərbaycan Prezidenti İlham Əliyevin sədrliyi ilə Nazirlər Kabinetinin 2015-ci ilin sosial-iqtisadi inkişafının yekunlarına və qarşıda duran vəzifələrə həsr olunan iclası keçirilib.
Oxunub: 867
OXŞAR MÖVZULAR
loading...
ÇOX OXUNANLAR
SOSİAL ŞƏBƏKƏ
TƏQVİM
«    Aprel 2020    »
BeÇaÇCaCŞB
 12345
6789101112
13141516171819
20212223242526
27282930 


ILK-10