Tanınmış aparıcı Sərxan Kərəmoğlu bu gün dünyasını dəyişən xalq artisti İlhamə Quliyeva barədə yazıb. Milli.Az xəbər verir ki, o, öz səhifəsində xalq artistinin ona qarşı etdiyi haqsızlıqları və yaratdığı çətinlikləri halal etdiyini söyləyib:
“Bu, bizim son yemeyimiz oldu. Allah sənə rəhmət eləsin. Sənin mənə etdiyin haqsızlıqlara görə sənə halallıq verirəm. Bakıda və İstanbulda min bir əziyyətlə qurduğum evləri sənin “prinsip” aparmağın uğrunda dağıtdım, amma halallıq verirəm.
Mənim adıma min cür adlar qoyub dostlarıma dedin, aramı vurdun. Halallıq verirəm. Ən çətin zamanımda, illər öncə idarə edəcəyim toyumdan sənə görə imtina etdilər, cörəyimdən oldum, amma Halallıq verirəm. “Show biznes” aləmində sənə görə çox qapılar bağlandı və insanlar düşmən oldu mənimlə sənə görə, amma Halallıq verirəm.
Kanala gedirdim, hansı verilişi aparırdım, zəng edib onu oradan qovun deyirdin və dost bildiyin adamlardan xahiş edirdin ki, Sərxanı qovsunlar tv-dən, yenə Halallıq verirəm və s. Çox şeylər var ki, yaza bilmirəm. Və bütün nə edibsənsə və mən sənə nə etmişəmsə, Halallıq verirəm. Bilirsən niyə? Çünki Orxan oğlun mənə öz övladlarım qədər əziz və doğmadı ona görə.
Orxan, başın sağ olsun. Sən elə bir oğulsan ki, əvəzin yoxdu, sənin ürəyin sənin qəlbin böyukdü. Mən ölən günə qədər sənin arxandayam, sənə dünyanın var dövlətini etibar etmək olar, çünki sən əsl oğulsan. İlhamə xanım, Allah sənə rəhmət etsin və günahlarını bağışlasın”.
