Şimali Koreya Cənubi Koreyanın prezidenti sarayını vurmaqla təhdid edib.
Publika.az xəbər verir ki, Şimali Koreyanın yaydığı təhdid açıqlamasında ABŞ-la birlikdə təlimlər keçirilən Cənubi Koreya xainlikdə ittiham olunub.
Açıqlamada deyilir ki, Cənubi Koreya prezidenti Şimali Koreyadan üzr istəməsə, Seuldakı prezident sarayı bombalanacaq. Bununla yanaşı, Şimali Koreya Güney Koreyadan onlara qarşı hücum planı hazırlayan rəsmi şəxsləri edam etdirməyi də tələb edib.
Məlumata görə, Şimali Koreya mediası ABŞ-a atom bombasının atıldığını göstərən video da yayımlayıb.
Ekspertlərə görə, Şimali Koreyanın bu cür təhdidləri daha çox öz xalqına yönəlik təbliğat xarakteri daşıyır.
Qaynarxett/info
