Bakıda baş verən dəhşətli intiharın bəzi təfərrüatları məlum olub
Özünü yaşadığı 16 mərtəbəli binanın 7-ci mərtəbəsindən ataraq intihar etdiyi güman edilən, Bakı şəhər sakini, 1975-ci il təvəllüdlü Jalə Nizami qızı Teymurova ailəli olub. Jalə Teymurovanın ziyalı ailəsində doğulduğu bildirilir.
Qeyd edək ki, özünü öldürdüyü iddia edilən şəxsin ailə üzvləri və yaxın qohumlarının yüksək vəzifələrdə işlədikləri, onların bir neçəsinin hüquq-mühafizə orqanlarında çalışdığı məlum olub.
Xatırladaq ki, Jalə Teymurova Bakıdakı tibb müəssisələrindən birində tibb bacısı işləyib. İntiharın səbəbi hələ ki açıqlanmır.
Faktla bağlı Nizami rayon Prokurorluğu tərəfindən cinayət işi başlanıb, istintaq gedir.(apa.tv)
