Rusiya mətbuatında dəhşətli kadrlar əks-səda yaradıb. Sankt-Peterburqda baş verən hadisədə azərbaycanlıların adı hallanıb
Videoda bir qrup şəxsin azərbaycanlı iş adamı Maarif İsmayılovun qətlində şübhəli bildikləri adamı necə döydükləri əks olunub.
Fiziki təzyiqlərə məruz qalan da əslən azərbaycanlı olan Emil Hüseynovdur. Şahidlərin dediyinə görə, Sofiyski tərəvəz bazasında baş vermiş hadisə zamanı E. Hüseynov 43 yaşlı iş adamı Maarif İsmayılovu güllələyib. Biznesmen aldığı 6 güllə yarası nəticəsində dünyasını dəyişib.
Atəş açandan sonra dərhal qaçmağa çalışan Emil Hüseynov hadisə yerindən 500 metr uzaqlaşmamış insanlar onu yaxalaya bilib. 27 yaşlı Emil bundan sonra kütlə tərəfindən döyülüb.
