ANS-in yayımına qoyulmuş qadağanın prezident Ərdoğanın sifarişi olması barədə sözlər yayılmaqdadır.
Məlum hadisəyə münasibətdə insanlar öz mövqelərini göstərərk bildirilər ki, ANS-i Fətullah Güləndən müsahibə aldığı üçün terrorçuluq fəaliyyətində qınayan bəzi Azərbaycan məmurları yaxşı olardı ki, Ərdoğanı Suriya xalqının rəyinə hörmət qoymağa çağırsınlar və onu Suriyadakı terroçuları dəstəkləməkdən daşındırsınlar.
ANS-in yayımına qadağa ilə bağlı verilən məlumatda qeyd edilir:
“Təəssüf ki, ANS Müstəqil Yayım və Media Şirkəti Azərbaycan və Türkiyə xalqları arasında qardaşlıq və strateji tərəfdaşlıq münasibətlərinin ruhuna zidd mövqe tutub, Türkiyə dövlətinin və hakimiyyətinin əleyhinə təbliğat aparıb, bu ölkədə terrorçu təşkilat kimi tanınan, çoxsaylı insan ölümünə səbəb olmuş qanlı hadisələri təşkil edən Fətullah Gülənə və onun tərəfdarlarına dəstək verib”.
Hadisə baş verən andan ANS telekanalı ayrı-ayrı reportajlarında, müsahibələrdə Azərbaycan ictimaiyyətinə Türkiyədə baş verən hadisələrin “hakimiyyət tərəfindən təşkil edilən şou” olduğunu təlqin etməyə, Türkiyə hakimiyyətinin həyata keçirdiyi tədbirləri gözdən salmağa çalışıb. ANS-in ABŞ-dakı əməkdaşı Türkiyədə hakimiyyət çevrilişinə rəhbərlik etməkdə şübhəli bilinən Fətulla Güləndən müsahibə alıb, bu müsahibə yerli və xarici KİV-lər vasitəsilə anons edilib”.
