backend

QOBUSTAN MƏSCİDİ DƏ BAGLANDI - Bahabilər ciddi nəzarətdə!

QOBUSTAN MƏSCİDİ DƏ BAGLANDI - Bahabilər ciddi nəzarətdə!

Qobustan qəsəbəsində yerləşən və daha çox radikal sələfilərin toplaşdığı məscidin qapılarına qıfıl vurulub. Bu məscid də Bakıda yerləşən "Ləzgi Məscidi" kimi vəhabi təriqətinə qulluq edən insanların xidmətində olub.

Qobustan məscidində ibadətlə məşğul olan şəxslərdən bəzilərinin Suriyaya gedərək orada İŞİD-ə qoşulan camaatdan olduqları bəlli olduqdan sonra məsələ nəzarətə götürülüb.

Moderator.az - a daxil olan məlumata görə, "Ləzgi məscidi" və Qobustan məscidinin bağlanmasında birbaşa əlaqə var. Belə ki, bu iki məsciddə təbliğ olunan təriqətə görə bu yolun yolçuları onlardan fərqli düşünənləri kafir hesab edir, bu insanlar özlərindən olmayanların qanını halal edirlər.

Suriyada vuruşan Azərbaycanlıların əsas ideoloqu olan və 9 il Azərbaycanda həbs həyatı yaşayan Hacıbala adlı şəxs də Azərbaycandakı tərəfdarlarına müraciəti edərək bildirmişdi ki, Azərbaycandakı "Ləzgi" və "Qobustan" məscidindən başqa bütün məscidlər şeytan evidir. Qeyd edək ki, Hacıbala adlı şəxs hazırda Türkiyədə yaşayır. O, adını dəyişərək Əbu Əyman qoyub.