“Lənkəranskini” Lənkərana, adına layiq çatdıran Oğulu tanıyın

gundem / Arasdirma 22-08-2016, 06:06
 “Lənkəranskini” Lənkərana, adına layiq çatdıran Oğulu tanıyın

Son günlər ən çox danışılan mövzu Azərbaycanlı məşhur Avtoritet Rövşən Canıyevin öldürülməsi ilə bağlı xəbərlərdən ibarətdir. Onun kasıblara əl tutmasının, kriminal aləmdə məzlumlara edilən haqsızlıqlara qarşı sipər olmasının təzahürü idi ki, onun cənazəsini Lənkəran şəhər hava limanında 20 min nəfərdən çox insan gözləyirdi. Bu hörməti qazanmaq təbii ki, dünya miqyasında hər insana nəsib olmur. Bunu əməlləri ilə qazanan insanın elə izdihamla da qarşılanması təbii idi. Onun cənazəsinin elə bir həssas məqamda doğulduğu Lənkəran torpağına çatdırılması asan məsələ deyildi. Bu məsələnin həllində həm Lənkəranskinin hörməti, həm də həyatda var olan dostlarının ən azı mənəvi borcunun nəticəsi idi.

Onun cənazəsinin 3 saat ərzində İstanbuldan Lənkərana gətirilməsi prosesində daha bir həmyerlimizin adı hallandı. Bu Palmali Şirkətlər Qrupunun prezidenti Mübariz Mənsimov idi. Belə ki, insanlara yardımları ilə bağlı xəbərləri mediadan əvvəllər də izləmişdik. Onun cənazənin gətirilməsi üçün öz şəxsi təyyarəsini verməsinin tək özü cənab Mənsimova hörməti bir daha artırmaqdadır.

Qeyd edək ki, Mübariz Mənsimovun belə vətənpərvər hərəkəti ilk dəfə deyil ki baş verir. Azərbaycanın Milli Qəhrəmanı Mübariz İbrahimovun cənazəsini vermək istəməyən ermənilərə də o vaxt xəbər göndərərək bunun üçün nə qədər pul lazımdısa verəcəyini və cənazəni Azərbaycana qaytarmaqlarını tələb etmişdir. Bundan başqa xeyriyyəçilik fəaliyyəti ilə bağlı çoxlu faktlar vardır.

Oxucuların marağını nəzərə alaraq Mübariz Mənsimov haqqında ətraflı məlumatı diqqətinizə çatdırırıq.

Mübariz Mənsimov kimdir?

9 uşaqlı bir ailənin üzvü olan Mübariz Mənsimov 1968-ci il martın 22-də Masallı rayonunun Miyankü kəndində anadan olub. Mənsimov uşaqlıq illərində atasının istəyi ilə Bakıda hərbi məktəbə qəbul olunub. O, burada təhsilini başa vurduqdan sonra ali təhsilə də yiyələnib, 3 il ərzində daxili kəşfiyyat sahəsinin sirlərini öyrənib. Mübariz Mənsimov sovet daxili kəşfiyyatında müxtəlif vəzifələrdə çalışdıqdan sonra 1985-ci ildə Şərqi Almaniyaya göndərilib.

Erməni düşmənçiliyi onun həyatını dəyişdirdi

1989-cu ildə erməni generalla mübahisə etdikdən sonra əsgərlik həyatına son verən Mübariz Mənsimovun 20 il sonra 3,5 milyard dollar dəyərində holdinqin sahibi olacağını heç kim ağlına gətirməzdi. “Bu gün şirkətlərimin hər hansı birində üçüncü nəsil bir erməni belə olduğunu öyrənsəm, dərhal qovaram. Onlarla ticarət əlaqəsi qurmaram. Ermənilərə qarşı həmişə antipatiyam olub. Ailəmdə 7 şəhid var və ən yaşlısı 21 yaşında. Erməniləri sevmək məcburiyyətində deyiləm, onlar da məni sevməsin”, – deyən Mənsimov, əsgərlik həyatından sonra 1,6 il gəmilərdə aşpazlıq etdiyini deyib. Daha sonra 3 yoldaşı ilə birlikdə 150 tonluq balıqçı gəmisi kirayəyə götürüb.

Duz gəmini batmaqdan xilas etdi

Mübariz Mənsimovun sonrakı hədəfi Rusiyada satışa çıxarılan gəmilərə sahiblik etmək olub. Bir müddət əvvəl keçmiş ilə bağlı mətbuata açıqlama verən azərbaycanlı biznesmen “O gəmiləri heç kim almaq istəmirdi. Sibirdən gəmi aldıq. Gəminin çayın xaricində çalışması qeyri-mümkün idi. O gəmini risk altında İstanbula gətirmək qərarına gəldik. Yolda batma ehtimalı 80 faiz idi. Batmadı, duzla təmir etdirib bu şəkildə gəmi sahibi olduq. Ucuz aldıq gəmini, dəyəri 100 dollar idisə, 10 dollara götürmüşük. İşləri böyütməyimdə isə əlaqələrimin təsiri olmadığını söyləyə bilmərəm. Hər iş adamı kimi ətrafımdan dəstək gördüm”, – deyib.

O gündən bəri gərgin iş tempinə uyğunlaşan milyarder gündən-günə böyütdüyü “Palmali” Şirkətlər Qrupunu 1998-ci ildə Türkiyəyə gətirib. Hazırda dünyanın ən böyük 5 dənizçilik şirkətindən biri olaraq göstərilən “Palmali” Şirkətlər Qrupunun sahibi bunu Rusiyada özəlləşdirmənin nəticəsi sayır. 20 ildə illik dövriyyəsi 3 milyard dollarlıq olan holdinq yaradan cənab Mənsimovun bir neçə il öncə Türkiyə vətəndaşlığını qəbul etdiyi deyilir. “Beşiktaş”a olan marağı ilə qardaş ölkədə diqqəti çəkən azərbaycanlı oliqarxın bir müddət klub başçılığı üçün namizəd olduğu da danışılırdı. Ancaq “Palmali”nin rəhbəri bunu təkzib etmişdi.

21 ofis, 28 min işçi

Xatırladaq ki, “Palmali” Şirkətlər Qrupunun bu gün Azərbaycanda, Rusiyada, Bolqarıstanda, Yunanıstanda – ümumilikdə 21 ölkədə ofisi var. Hazırda şirkətin tabeliyində 28 min nəfər təkcə dənizçilik sektorunda çalışır. Qrupun fəaliyyət sahəsindəki digər şirkətlər də hesaba qatılanda işləyənlərin sayı 45 mini keçir.
“Palmali” 129 gəmisi ilə Aralıq dənizi , Ağ Dəniz, Qara Dəniz arasında Rusiya neftinin 75 faizini daşıyır. “Palmali”nin ən böyük müştərisi dünyaca məşhur olan “BP” şirkətidir. Şirkətlər Qrupunun kirayəyə götürülən gəmilərlə isə donanma sayı 220-ni ötür.

Mübariz Mənsimov xüsusi olaraq türk gəmi sahibiləriylə işləməyə üstünlük verir. 2005-ci ildə onun kirayəyə götürdüyü gəmi sayı 20 olub, indi isə bu rəqəm 70-ə çatır. Onun 99 faizinə sahib olduğu “Palmali” Şirkətlər Qrupunun dənizçilik şirkəti 2 milyard dollaradək varidata malikdir. Ancaq buna qarşılıq 50 faiz nisbətində maliyyə borcu var. “Palmali”nin ayrıca Rostovda öz adına işlətdiyi və Azərbaycanda inşası davam edən bir daha bir limanı Bakıdakı sərmayələri üçün tikilir.
Azərbaycanlı iş adamı indi inşaat sahəsindəki təcrübəsini Türkiyəyə daşımağa hazırlaşır. “Gazeteport” saytının yazdığına görə, Mübariz Mənsimov iqamətgahlar və xəstəxana proyektlərinə girişəcəyini də açıqlayıb. Onun proyektləri arasında Türkiyədə ediləcək iqamətgah inşaatlarının yanında Aralıq dənizində tikilməsi planlaşdırılan bir kottec tipli otel layihəsi də var.

Bundan başqa, Dövlət Neft Şirkəti ilə ortaq olan “Palmali” bir müddət əvvəl “Tekfen inşaat”ın 50 faiz hissəsini 520 milyon dollara satın alıb. Türkiyə mətbuatı yazır ki, cənab Mənsimovun bu cəhdi onun qardaş ölkədə inşaat sahəsində irəliləmək mənasını verir. Bu razılaşma qarşılığında “Palmali” və “SOCAR” ortaqlığı 5 il ərzində “Tekfen İnşaat”a 37 milyard dollarlıq iş verəcək.

Media sahibkarı

Mübariz Mənsimov “PalMedia” adlı şirkətin nəzdində 5 milyon dollar sərmayə ilə “Pal FM” radiosu və “Palhaber” adlı xəbər portalı da qurub. Bundan sonrakı sərmayələrini Türkiyədə edəcəyini söyləyən Mənsimov Rusiya, Azərbaycan və Türkiyədə 400 milyon dollar həcmində sərmayə planladığını da söyləyib. O, bu sırada ən böyük payı Türkiyəyə qoyacağını deyib. Bunun ilk addımı kimi 21 ölkədə ofisi olan qrupun bütün rəhbərliyini İstanbulda toplanacaq və beləcə bütün sərmayələr Türkiyədən istiqamətləndiriləcək.
Onu da deyək ki, Mübariz Mənsimov Azərbaycanda futbolun inkişafına da maraq göstərir və artıq neçə illərdir ki, “Xəzər Lənkəran” futbol klubuna sponsorluq etmişdir. Onun Lənkəranda inşa etdiyi “Palsüd” şirkəti isə ölkə südçülük bazarında önəmli paylardan birinə sahib olmuşdur.

İNFOQRAF.com
Oxunub: 5 853
OXŞAR MÖVZULAR
loading...
ÇOX OXUNANLAR
SOSİAL ŞƏBƏKƏ
TƏQVİM
«    Aprel 2020    »
BeÇaÇCaCŞB
 12345
6789101112
13141516171819
20212223242526
27282930 


ILK-10