Məşhur erməni milyarderi Levon Ayrepetyan Azərbaycana görə həbs olunub.
qaynarxett.az Axar.az-a istinadən xəbər verir ki, bu açıqlama ilə erməni generalı Arkadi Ter-Tadevosyan çıxış edib. O, Levon Ayrepetyanın həbsini yalnız Azərbaycanın istəyə biləcəyini söyləyib. Tadevosyanın fikrincə, Dağlıq Qarabağın inkişafına çalışan bir şəxsin həbsi başqa heç kəsə lazım deyil:
“Bu həbs Moskva tərəfindən Azərbaycan rəhbərliyi üçün kiçik bir hədiyyədir”.
Qeyd edək ki, Levon Ayrepetyan dünən Moskvada “Domodedova” aeroportunda Federal Təhlükəsizlik Xidməti tərəfindən həbs edilib. Ayrepetyan dünyada erməni lobbisinin ən məşhur siması hesab olunur.
Xatırladaq ki, ermənilər cinayətinə görə həbs olunan milyarderlərinin həbsini belə Azərbaycanla bağlamağa və onun müdafiəsini bu təzyiqin üstündə qurmağa çalışırlar.
