backend

Toyda polisi döydülər

Toyda polisi döydülər

Baş vermiş hadisə ilə bağlı saxlanılan yoxdur.

Balakən rayonunda toyda insident baş verib.

qaynarxett.az xəbər verir ki, Balakən Rayon Mərkəzi Xəstəxanasından APA-nın Şəki-Zaqatala bürosuna verilən məlumata görə, sentyabrın 3-ü gecə saat 22:45 radələrində rayonun Yeni Şərif kənd sakini, 1987-ci il təvəllüdlü Məhəmməd Əli oğlu Kiriyev və Balakən şəhər sakini, 1979-cu il təvəllüdlü Telman Rauf oğlu Soltanov xəsarətlə xəstəxananın travmatologiya şöbəsinə yerləşdiriliblər.

Hazırda onların vəziyyəti orta-stabil hesab olunur.

Araşdırma zamanı məlum olub ki, Əli Kiriyev və Telman Soltanov Balakən şəhərində fəaliyyət göstərən şadlıq evlərinin birində keçirilən toy mərasimində yaranan dava nəticəsində xəsarət alıblar. Xəsarət alanlardan Əli Kiriyev Balakən rayon Polis Şöbəsində polis nəfəri vəzifəsində çalışır. Balakən rayon Polis Şöbəsindən APA-ya verilən məlumatda fakt təsdiqlənib. Baş vermiş hədisə ilə bağlı saxlanılan yoxdur. Araşdırma aparılır.