Pambıq əkilən rayonlardan biri də Goranboydur. 2017-ci ildə rayonda 5 min hektar sahədə pambıq əkilməsi planlaşdırılıb. Onu da qeyd etmək yerinə düşər ki, hələ sovetlər birliyi dönəmində Goranboy pambıqçılıqda öndə gedən və məhsuldarlığı ilə seçilən rayonlardan biri olub. Amma və lakin…
Qaynarxett.az-in 7news.az-a istinadən xəbərinə görə, Goranboy icra başçısı Nizaməddin Quliyev 10 min ton pambıq planını verə bilmədiyi üçün unikal addım atıb. Rayon üzrə cəmi 3 min ton pambıq yığıldığını görən başçı əsl sovet psixologiyası ilə hərəkət edib. Ölkə rəhbərliyi tərəfindən rayon icra hakimiyyəti qarşısına qoyulan planın biabırçı vəziyyətdə olmasını ört-basdır eləmək üçün pambıqlar qəsdən yandırılıb. Hadisə yerində olan vətəndaşlar da bu faktı təsdiq ediblər. Məsələ burasındadır ki, bu, ölkə rəhbərliyinə ikiqat xəyanətdir. Zamanında pambıq təsərrüfatına gedən suyu kəsərək öz restoranına yönəldən başçı 10 min əvəzində 3 min ton pambıq yığılacağını yəqin edirdi. Deməli, proseslər heç də kor-koranə deyil, planlı şəkildə aparılıb. Heç olmasa 3 min tonu dövlətə təhvil vermək lazım idi…
Mövzunu diqqətdə saxlayacağıq.
