backend

Məşhur erməni aktyor Azərbaycana olan sevgisindən danışdı

Məşhur erməni aktyor Azərbaycana olan sevgisindən danışdı


























“Bütün normal insanlar dinc yaşamağımızı istəyirlər”.

Bu gün 250-dən çox filmdə çəkilmiş erməni əsilli məşhur sovet aktyoru Armen Ciqarxanyan 79 yaşını qeyd edir.

Hazırda Moskvada dramatik teatra rəhbərlik edən aktyor Armen Ciqarxanyan doğum günü münasibətilə Ukraynanın “Faktı” portalına müsahibə verib və erməni-Azərbaycan münaqişəsinə münasibətini açıqlayıb.

qaynarxett.az həmin müsahibədən çıxarışları təqdim edir:

Armen Ciqarxanyan: “Dahiyanə nağıl var – “Bir damcı bal” adlanır. Ovçu iti ilə ovdan evə qayıdır. Yolda kənddən bal almaq qərarına gəlir. Satıcı ona bal süzərkən, bir damcı balı yerə tökür. Arıçının pişiyi tez özünü atır bal damcısının üstünə və başlayır yalamağa. Ovçunun iti pişiyin üstünə hücum çəkir. Satıcı iti qovlamağa çalışarkən, onu təpiklə vurur. Ovçu buna cavab olaraq, atəş açır. Və müharibə başlayır! Bir daha xatırladıram, nağılın adı “Bir damcı baldır”.

“Faktı”: Fəlsəfi nağıldır...

Armen Ciqarxanyan: Hə, onu yadda saxlayın. Bilirsiz, erməni və azərbaycanlıların münaqişəsi uzun müddətdir ki, davam edir. Və bütün bunlar çox çətindir. Lakin bütün normal insanlar dinc yaşamaq istəyirlər. Biz qonşuyuq! Çox yeməklərimiz eynidir, dadlıdır, Ermənistanda çoxları Azərbaycan mahnılarını hədsiz sevirlər, avtomobildə gedərkən dinləyirlər... Düşmənçilik və nifrət isə heç kimə yaxşı heç nə gətirməyib və gətirməyəcək də.

Mənim Amerikada dostum var – ermənidir. Bir dəfə onu Nyu-Yorkda Azərbaycan restoranına dəvət etdim. O etiraz etdi: “Ora getmərəm!”. Soruşdum: “Bax sənin anan şəkər xəstəsidir. Onu kim müalicə edir?”. Cavab verdi: “Çox yaxşı həkim, Məhrən”. “Bəs o kimdir, azərbaycanlı deyilmi?”- deyə, mən dəqiqləşdirdim. Düşünürəm, o hər şeyi yaxşı anladı.... Hər yerdə yaxşı, normal adamlar var”.