O, dələni öldürərək, qəhrəmanlıq edibmiş kimi “mən öldürdüm” yazıb.
Bakıda insanlığa utanc gətirən növbəti vəhşilik edilib.
qaynarxett.az Milli.az-a istinadən xəbər verir ki, Çingiz Hətəmov adlı şəxsin İnstagram bloqunda paylaşdığı fotolar artıq dövlət qurumlarını da fəaliyyətə keçirib. Ç.Hətəmov dələni öldürərək əlində tutub və sanki, qəhrəmanlıq edibmiş kimi “mən öldürdüm” yazıb.
Ekologiya və Təbii Sərvətlər Nazirliyinin mətbuat xidmətinin rəhbəri İradə İbrahimova bildirdi ki, artıq həmin şəxs barədə ilkin addım atılıb. Dələni vuran şəxsin tapılması və cəzalandırılması üçün Bakı şəhər Baş Polis İdarəsinə rəsmi müraciət olunub. İ.İbrahimova qeyd etdi ki, həmin şəxs tapılarsa, İnzibati Xətalar Məcəlləsinin 111.2-ci maddəsi ilə 2000 manat məbləğində cərimə olunacaq.
