"Qazaxın icra başçısı bu dəfə bağça müdirlərindən pul yığır". Bu iddia dia.az-a Qazaxdan daxil olan müraciətdə yer alıb
Müraciət müəllifləri yazırlar ki, bu günlərdə rayon əraizisində yeni uşaq bağçası açılacaq. dia.az-a yazırlar:
"İcra başçısı adından bəri başdan pul yığılır. Kim orada işləmək istəyirsə, haqqını verməlidir. Hətta xadimə kimi işə düzəlmək istəyənlər də pul verir".
Narazı sakinlər yazır ki, ümumiyyətlə son həftə ərzində Qazaxda yerləşən uşaq bağçalarında icra başçısı adından pul yığımı kampaniyasına başlanılıb.
"Təbii ki, bu pullar da uşaqlara ya dövlətin ayırdığı vəsaitdən, ya da valideynlərin cibindən tutulur. Görünür, Rəcəb Babaşov cənablarının uşaqların boğazına şərik olması ehtiyacı yaranıb".
İddia olunanlarla bağlı qarşı tərəfi də dinləməyə hazırıq...
